الأربعاء، 22 تشرين2/نوفمبر 2017

board

( تعبان الريمود ).. محمد ميرغني

> تترقب جماهير الكرة السودانية غداً الجمعة مباراتي القمة امام فيرو فيارو والنجم الساحلي التونسي , واظن متأكداً أن جماهير الناديين سيهتمان بنتائج المباريات رغم أن الهلال ( ودع ) البطولة ولكن ( حدوته ) ما بنطير برانا ستظل في الاذهان مدى الازمان.

> الهلال صحيح لن يهتم بنتيجة المباراتين كثيراً ولكن المريخ سيهتم بالمباراتين
> غايتو الريموت بكون في اليد
> دا الشيء المؤكد
> والريموت تعبان شديد
> وبعد المباراة بكون في كلام كتير واحتمال يكون في بكاء
> والله اعلم
> الهلال سيفقد عدد كبير من الاساسيين في المباراة وان شاء الله خير
> جمال الوالي قالوا سيحضر مباراة المريخ والنجم وبرضو إن شاء الله خير
> وعلاء الدين تخلف عن بعثة المريخ
> وكلو لي خير !!
> ( 2 )
> زمان الناس كانت شفافة وبتحب زمن الجوابات البرسلوها بالبسطة
> وكان الزمن جميل والتفاصيل اكثر جمالاً
> ويحكي عمنا حبوب سنوسي كيف انه اتم مراسم زواجه وكيف تم الطلاق ويذكر عمنا حبوب ( التلغراف ) الذي ارسله لخاله بالمسلمية وحتي عنوان الجواب ( المسلمية مكتب الهندسة الزراعية .. الخال ابراهيم سليمان يجدكم بخير . اعلمكم انني قد ...................
يجدكم بخير
> والواتس اب انتهى من الحب
> وقبل فترة الفريق الضيف لما يجي بنعمل ليهو ارهاب من المطار
> بس الهلال عامل نايم من فيرو فيارو
> ودا كلو من الحكم الكاميروني و ( الجلاكسي )
> واتمنى يكون المريخ استقبلوهو كويس في تونس
> ( 3 )
> انتخابات الهلال بقت زي البكاء الجابوهو خبر
> بتلقى الناس بكاهم ( تعبان )
> المهم هسا الانتخابات مازي زمان لكن السبب ما الواتس اب طبعاً
> واظن متأكداً أن الكاردينال تمشي امامة ( تشريفه ) لافساح الطريق نحو الرئاسة
> والتشريفة هي القانون الذي فصل رسمياً لترأسه مجدداً للنادي
> ترأسك ما عندنا فيهو راي , بس إن شاء الله تتفك من ناس ناس ( الحلقة )
> وناس الحلقة معروفين !
> ( 4 )
> الانسان طبعاً بحب الشيء الفاقدو وفي الفترة الفاتت البلد كلها بتتكلم عن المطر وبقولو الخريف اتأخر خاصة ايام رمضان وايام السخانة وفي الايام الماضية الخريف جاء بي عيالو كما يقول المثل واصبح ربما مافي فرق بين الخرطوم والصعيد وبين الخرطوم والقضارف واصبحت الامطار تهطل بكثافة في الخرطوم وتأكد رسمياً ان الخريف هذا العام ( عينو حمرا ) عديل كدا , ونتمنى ألا تقول لنا ولاية الخرطوم اإن الخريف فاجأهم كعادة كل عام , الخرطوم باختصار الآن تعيش اوضاعاً صعبة جداً بسبب ركود مياه الامطار في كل انحاء الخرطوم خاصة الاطراف التي تعاني بصورة كبيرة بسبب انعدام التصريف لمياه الامطار وهناك امر مهم جداً وهو تأثر البعض في تلك الاطراف بهطول الامطار خاصة اصحاب المباني الطينية وربنا يكون في عونهم ولانملك إلا أن نقول لهم غير ذلك
> ونحن في الحاج يوسف غرقانين وعطشانين لو سمعتو بي عطش اليموت غرقان
( 5)
> الحب الزمن دا بقى زي الزول اللابس نظاره سودا بالليل .. كل الناس بتعاين ليهو باستغراب !!
> حب وين مع الواتساب دا ؟؟