الخميس، 23 تشرين2/نوفمبر 2017

board

الليلة الفرصة الأخيرة

> المقارنة الفنية بين أسد شيكان وتريعة الصفر معدومة.
> فتريعة الصفر فريق (اذا جاز لنا ان نطلق عليه اسم فريق) مفكك الاوصال وجايط.

> حتى ان بعض اطفالنا قايلين بشة وكاريكا اداريين بحسب السن.
> فريق مهاراته تتمثل في شلوت الدمازين وبونية تيتيه وكوع شيبولا.
> الافضل لكردنة ان يشارك بهذا الفريق في منافسات المصارعة الحرة.
> يمكن يجيب بيهو ميدالية تخارجو من الصفر ده ويتحول اسمو من تريعة الصفر لي تريعة الما صفر.
> واذا استمر هذا الحال بالتأكيد سيستمر صفر تريعة الصفر ملازماً لتريعته المحببة مدى الحياة.
> واليومين دي تريعاب الصفراب ما واجعهم صفرهم الدولي قدر وجع التش.
> وسمح التش كعب الغش.
> المهم.
> تنتهي اليوم الفرصة الأخيرة التي منحها جمهور الأهلة الشرفاء للمقالب التي تمثل بالشعار.
> كانوا يعتقدون أنها مواهب.
> قلنا ليهم دي مقالب.
> إلى أن اكتشفوا الحقيقة.
> تنتهي اليوم الفرصة الأخيرة لمقالب تريعة الصفر ليقول شعب الهلال كلمته.
> وما بخارجكم من الحتة دي يا روشا الا اخطاء التحكيم (غير المقصودة).
> يعني بلنت مع القوز الحكم ما يشوفها.
> تسلل محمد موسى وفي نفس اللحظة رجل الخط يعطس وما يشوفها الا في الشبكة.
> كمان في زول بقصد يعطس يا أبو شيبة؟
> العطسة هي فعل لا ارادي يخرج من الخياشيم تعبيراً عن رفض الجهاز التنفسي لجسم غريب.
> وفي جسم اغرب من الكورة في شباك الهلال يا ابو شيبة بالنسبة للجماعة ديل؟
> ايها الناس.
> هلال شيكان فريق كبير يعرف داير شنو بالضبط.
> مهند ما ضروري يحتفل بعد الهدف اكراماً للميت ما قلنا شيء.
> لكن الإصرار على إحراز الهدف هو قمة الخلق الرياضي.
> أما الديسكو فمطالب بأن يثبت علو كعبه.
> وأن يثبت أن هلال الرمال ما صنعه خالد بخيت بحسب ما أشيع.
> الكلام ده كتر يا ديسكو.
> المهم.
> ما عارف الحكم منو.
> لكن لو حكمها أبو شنب.
> صدقوني درون.
> لأنو الصدفة وحدها هي التي ترمي أبو شنب حكماً في مباريات الهلال لما يكون مستواه في واطات الله دي.
> وغالباً تنتهي تلك المباريات بالتعادل.
> والغريبة نفس الصدفة هي التي تقود ابو شنب ليقود مباراة طرفها المريخ في الولايات.
> وبالصدفة تنتهي تلك المباريات بالتعادل برضو.
> ويا محاسن الصدف.
> محاسن قصي القمبور ده.
> أيها الناس.
> وصيتي لطاقم التحكيم بالحكم الرابع.
> ضموا رجلينكم التش في المنطقة.
> أيها الناس
> أحمد طيب محمد موسى من المنورة الكواهلة هو صاحب اللوري الشهير.
> اللوري المكتوب عليهو التش.. التش.
> وأنا أضيف ليهو العفش في التش بتفتش.
> وهكذا هم الشفوت دوماً ولاء للكيان في كل الأحيان.
> أيها الناس.
> إن تنصروا الله ينصركم.
> أها.
> نجي لي شمارات والي الخرتوم.
> كان شفت يا والينا.
> قاعدين نتونس مع بعض أهالينا
> نطه خالاً لينا.
> قال زمان بنمشي بالقطر من مدينة لي مدينة.
> قلت ليهو يا والينا
> القطر الله يرحمو؟
سلك كهربا
ننساك كيف والكلب قال يا حليل القطر والعسل المقطر ومجانية التعليم من الروضة لامن ولدنا يتدكتر.
وإلى لقاء.
سلك

الأعمدة