الخميس، 23 تشرين2/نوفمبر 2017

board

عذراً أهلي بالتريعة

> بعد أن فزنا على تريعة البجا بالستة
> قلت عقبال تريعة الصفر

> وتريعة الصفر القصد منها ناس الصفر الدولي
> لم يكن قصدي بالتأكيد الاستهانة بفريق تريعة البجا
> فقرية التريعة تقلع لها القبعات لأنها قدمت فريقاً للممتاز
> لابدعم حكومي
> ولا بعون من حزب حاكم
> ولا بعطية والي او معتمد
> ولا برعاية سياسية كما حدث مع كثير من الفرق التي صعدت للممتاز
> أهل التريعة وضعوا الممتاز هدفاً و عملوا لبلوغه ووصلوا
> وصلوا بالشير بتاع أهل القرية
> العندو والماعندو دعم التيم
> صعدوا للممتاز واستمروا فيه بفضل أبنائهم في المهجر الذين يسدد كل منهم ألف ريال لفريق الحلة
> وقبل فريق الحلة يدوا مدارسهم وبناياتهم الخدمية بعرقهم
> وناس زي ديل ، لا يمكن لبشر عاقل أن يستهين بهم
> وأنا بشر عاقل
> لكم العتبى أهلي بالتريعة
> فالقصد كان الصفر المدعوم في شتى المجالات ولسه قاعد محكر
> وليكم حق يا ناس التريعة تزعلوا لما الزول يلمكم مع الأصفار
> مافي زول برضى لمتو مع الصفر
> فانتم رقم كبير
> كبير جداً بفضل أبنائكم داخل وخارج السودان
> وبالمناسبة يا ناس التريعة
> فريقكم داير وقفة شديدة من الليلة من أجل البقاء بالممتاز
> حرضوا أنفسكم وضعوا البقاء هدفاً لكم
> ولكم العتبى يا حبايب
> آها
> أكتب بين شوطي مباراة صفر البرمبة وأولاد شيكان
> مااااامقتنع
> غايتو في الشوط التاني حاسي إنو ربنا بدينا الفي مرادنا
> لأنو الهدف الضيعو محمد موسى في الشوط الأول
> يؤكد إنو الزول ده جاب قونو ساااااي
> كريم أدى غشيم
> المهم
> على كل مريخابي يومياً قراءة الإخلاص تلاتة مرات بنية حفظ التش
> العين واردة
> والحسد موجود
> والحقد سيد الموقف
> ولكن
> في زمن معتصم
> وبعد مشكلة إشراك سادومبا ضد وادي نيالا بعد طردو
> اتركن سادومبا وماشفناهو
> وفي بداية عهد شداد ظهر سادومبا بعد تكوين اللجنة إياها
> فهل رئاسة الزول للجنة إياها كانت سبباً لرؤية سادومبا من جديد؟
> وهل نفهم من ذلك أن قرار اللجنة المرتقب هو شطب شكوى وادي نيالا الصحيحة؟
> استشراق جميل لعهد شداد
> وهل هو تذكير لعهد الاتحاد المابعرف يقرأ برتغالي وصلوي وغابيتو؟
> وهل
> وهل
> وهل
> وهل؟
> وهل نقطع العشم؟
> ايها الناس
> إن تنصروا الله ينصركم
> اها
> نجي لي شمارات والي الخرتوم
> كان شفت يا والينا
> بعد رجعتوا الزمن لينا
> جهجهتوا الجوامع يا والينا
> واحدات ياذنن مرتين
> واحدات ياذنن ويصلن وتاني يأذنن يا والينا
سلك كهربا
ننساك كيف والكلب قال الساعة كم كلمني
والي لقاء
سلك

الأعمدة