الأربعاء، 17 كانون2/يناير 2018

board

المفوضية حاتودي وشها وين

> لا تكن امعة تقول انا مع الناس ان احسنوا احسنت وان اساءوا اسأت.
> الكلام ده درسونا ليهو بدري في المدرسة.

> ايام المدارس فيها تربية وتعليم.
> والتربية ما كانت من خلال توجيهات المعلمين فحسب.
> بل كانت داخل المنهج المدرسي.
> منهج يربيك ويعلمك.
> الكلام ده بدري.
> ايام مجانية التعليم ودرس العصر مجاني واجباري كمان.
> الكلام ده ايام بصرفوا لينا الكتب كاملة ومعاها الكراسات والجلاد والحبر واقلام الرصاص والمساطر.
> هكذا كانت دولتنا.
> هكذا كانت الدولة الأسي دي.
> هكذا كانت دولتنا دولة عطايات.
> هكذا كانت دولتنا دولة الجبايات الاسي دي.
> المهم.
> موقف المفوضية يبدو أنه مع الناس.
> ان احسنوا احسنت.
> ولو ما احسنوا نامت بالقرار.
> وظهر ذلك من خلال التصريح الشهير.
> الموضوع طلع من ايدنا.
> وصدقوني.
> الطعون التسعة لو كان فيها طعن واحد فيهو بصيص امل لما ترددت المفوضية في قبوله وإعلان استبعاد السيد آدم عبد الله سوداكال عن رئاسة المريخ.
> المهم.
> حسب علمي تمضي مشكلات سوداكال الشخصية نحو الحلول.
> وغالباً ما يظهر حل لإحدى الاشكاليات اليوم.
> وتتبقى اشكالية واحدة.
> هي عند آدم ليست بالمشكلة.
> لأنه يثق في موقفه القانوني شديد.
> في الحالة دي.
> وبعد حل الإشكالات السوداكالية.
> وبعد رفع الجهات الاخرى يدها من موضوع آدم.
> وعودة القصة حسب الرصة للمفوضية من جديد.
> ما بتخجل المفوضية في اللحظة ديك وهي تمتثل للقانون وتشطب الطعون وتعلن آدم عبد الله مكي رئيساً للمريخ؟
> المفوضية حا تودي وشها وييين؟!
> المهم.
> على مجلس المريخ أن يسعى جاداً لاستلام قروشنا طرف الهلال.
> قروش تعويض كسير كراسينا المحكوم بيهو لينا.
> فإن انشغلت المجالس الماضية عن تلك المطالبة.
> فإننا نطالب المجلس الذي أعلن عن نفسه مطالباً بحقوق المريخ وحقائق المريخ.
> أن يطالب جاداً بذلك الحق البين والثابت وان يعيده للمريخ.
> وفوراً.
> أها.
> انشغل محمد عبد الماجد بقصة بيع كأس السد.
> وأهمل قصة بيع كيان قراراً ومواهب وسمعة وتاريخاً برغم الصفرية.
> حتى اضحت قرارات الهلال المؤثرة لا يختفي للروج أثراً مع الختم.
> وسكت محمد عبد الماجد وكل إعلام الهلال عن الكلام المباح.
> فالكلام المباح عند الاهلة اضحى مثل النباح.
> محمد عبد الماجد.
> داير اقول ليك نكتة
> قالوا في بتين طالعات من الاحفاد.
> حلاااااتن.
> لابسات حلقان جميلة.
> الواحدة قادة تلاتة في الاضان دي واربعة في الأضان ديك.
> القدود دي كلها حلقان.
> من بعيد زي القراد في أضان الكلب.
> المهم.
> الأولى قالت للتانية ما نطلع جمب استاد المريخ ببيعوا دهبنا.
> التانية قالت ليها أخير لينا لأنو لو طلعنا بهناك دهبنا بمشي وين ما بتعرف.
> ونبقى في مدني والحرامي قالوا مشي سنار وناس يقولوا في بورتسودان.
> أخير نمرق بي هنا نعرف إنو إتباع أخير من الجهل بمصير دهبنا.
> تضحك!!!
> أيها الناس.
> إن تنصروا الله ينصركم.
> أها.
> نجي لي شمارات والي الخرتوم.
> كان شفت يا والينا.
> المولد دخل علينا.
> على المصطفى نصلي وحا نصلي وصلينا.
> لكن عارف كيلو الحلاوة وصل كم يا والينا؟
سلك كهربا
ننساك كيف والكلب قال قولوا لأولادكم الحلاوة بدعة، منها تتخارجوا من شيل الحلاوة ومنها تمهدوا ليهم لمقولة الأكل والشراب في البلد دي بدعة.
وإلى لقاء.
سلك

الأعمدة

خالد كسلا

الإثنين، 15 كانون2/يناير 2018

بابكر سلك

الإثنين، 15 كانون2/يناير 2018

إسحق فضل الله

الإثنين، 15 كانون2/يناير 2018