الجمعة، 20 نيسان/أبريل 2018

board

الفاضي برضو اكلو النمل

> ودخلت نملة وشالت حبه ومرقت
> دي كانت حجوة ام ضبيبينه المابتكمل اصلو

> شوف شوال السكر فيهو كم سكرة
> واضرب الناتج في اربعمية وخمسين
> الرقم البجيك ده عدد السكرات السكرينات بتاعات المواطنين
> النمل اكل اربعمية وخمسين شوال سكر
> ما قلنا شي
> لكن الفاضي وين ?
> النمل اكلو
> ولا خلاهو قبلو
> ولا شالو بي شوالاتو وجوه الجحور اكلو????
> المهم
> مشاهدتي لتحكيم مباراة وادي نيالا بالامس خرجت منها بحقيقة اننا ماحانشارك في كاس العالم الي ان يرث الله الارض ومن عليها
> لسه نحنا بنخطئ ولا نظلم
> ودي الحتة المطلعه عين ام الكورة في البلد دي
> تغيب الكروت
> تدق في الايد وتفوت
> بس الزنطور ما يموت
> بالريموت
> ونحن نقتتل ونتتريق ونتحدث عن فار وضب وسندوتشات القطر
> والريموت شغااال
> وحجارو جديده وكريمة
> والعهده علي قون العملاقة ومحمد عبد الماجد الحبيب
> ابو الهل من سنة الفين وسبعطاشر شهر كم كده ماعارف
> مافيهو زول قبض مرتب
> يادوبك قبضوا حق شهر اول امس
> والباقي احتمال ياكلو النمل الاكل السكر
> وفي المريخ يتحدثون عن فقر وفشل مجلس في سداد رواتب اللاعبين
> ولما عبد الصمد شال التابوت ومشي المعسكر عشان يدفع الرواتب
> دفع راتب شهر واحد ويادوبك استحق الاداء حسب كلام عضو المجلس الشرعي الاخ اسد
> وبرغم ذلك يتحدث الآخرون عن متأخرات اربعة اشهر
> الهلال يتأخر اربعه اشهر ويسدد شهر
> يقولوا سدد الاربعه
> المريخ ما عندو متأخرات ويتسدد شهر
> يقولوا سددوا اربعه اشهر
> وده الفرق بيننا وبينهم
> هذا الفرق هو الذي يجعل يخطئ يخطئ ولا يظلم طوااااالي
> لاننا نقتتل وهم يقاتلون
> المهم
> اليوم نلتقي اهلي شندي
> الجمهور الفيهو بتنعرف اليوم
> من كان يريد المريخ
> سنجده اسدا هصورا حضورا مشرقا مشرفا علي المدرجات
> ومن كان يريد حاجات تانية حامياني
> فليلزم بيتو وليلزم الصمت وان في الصمت كلام
> من يرد المريخ يأتي اليه في ظل الظروف الحرجة ليسنده
> والظروف اليومين دي حرجة
> والحرج هو الهزيمتين المتتاليتين دوريا
> اما اللاعبون
> فلا عذر لكم اليوم
> لا شماعه ولو ادعيتم المجاعه
> فالفيهو بخور بنشم
> والجواهو بوارق نصر بنتم
> و الميدان يا حميدان
> الليلة الامتحان امتحان جمهور ولاعب
> تري هل سينجح الجميع ????
> ايها الناس
> هوووووووي
> يا ايها الناس
> ان تنصروا الله ينصركم
> وقول الحق هو نصرة لله لانه الحق المعبود بالحق
> اها
> نجي لي شمارات والي الخرتوم
> والينا
> سمعنا بالنمل الاكل السكر وجابوهوا لينا
> قول اكلو وكملو علينا
> وين الفاضي يا والينا ????
سلك كهربا
ننساك كيف والكلب قال سمعنا بي نمل اب ريش لكن نمل السكر اب دقن ده تصنيع جديد
والي لقاء
سلك