بابكر سلك

بابكر سلك

مريخنا داقي سيستم 

>  ام بنطلونا نصل >  ام هناك بعض من عبط وهبل >  هذا المجلس عودنا علي السكوت عندما يكون الكلام ضرورة >  منقطنا بي سكاتو>  والسكوت في معرض الحاجه للبيان بيان >  فهل نقتنع بان المجلس يرفع شعار اللبيب بالاشارة يفهم ? >  ايا كانت الاسباب >  اذا فشل المريخ في ضم المحترفين الاجانب >  يكون المجلس المتمسك بالحياة قد انتحر >  ولعل حضور المفوضية لاجتماع المجلس بالمكتب التنفيذي امس >  ومطالبتها لمحاضر الاجتماعات السابقه كما سمعنا >  فانه ان صح ذلك >  تكون المفوضية لسه جارية ورا المجلس ده >  بس نتمني ان تكون تحركات المفوضية نابعه من ذاتها غير مدفوعة من الشلل اياها والتدخلات الفوقية رغم عين الفيفا الحمراء>  لن نلوم المجلس >  ولن نشك في الاتحاد >  ولن نعمل بنظرية المؤامرة ونعيد الامر للبوكلين الذي يحفر >  سنصبر حتي تتضح الصورة >  ووقتها لن نغفر >  اذا ظهر القصور من المجلس >  يكون المجلس بوكلينو جواهو >  يكون المجلس حفر قبرو بي يدو >  يكون دفن نفسو >  ويحق لنا ان نطلق عليه لقب ابو الدفان >  وعندها ستعلن براءة البوكلين الذي يعلق عليه اهل المجلس اخفاقاتهم >  اما اذا كان الخطأ خطأ اتحاد وقلة خبرة موظف >  فصدقوني >  لن يسلم الاتحاد هذه المرة كما سلم حينما كان سببا في اخراجنا من التنافس الافريقي >  وكأنو ماحصل حاجة >  سكتنا علي ذلك سكوتا ليس بالمباح >  برغم تهديدات بعض اعضاء مجلسنا وقت تلك المهزلة >  الا اننا عدنا وشاركنا في منافسات الاتحاد التي ينظمها نفس الناس الذين اخرجونا افريقيا حقارة كده >  وواصل اعضاء المجلس اصحاب الوعيد في مناصبهم عاااادي >  ولم يطلقوا علي موقفهم هذا لقب الكنكشة >  اظنها في عرفهم كندشة >  المهم >  سبب القصة دي لازم يموت ويفوت >  ان كان المجلس او الاتحاد >  اذا نصل البنطلون > يبقي دقينا سيستم يا اسد>  المهم >  ظهرت الكسكتة مجددا تتوسط تلاته اجانب >  واحد  عرض وطول قدر الضربة >  قندران بس >  ده رغيف بس بفلس بيكم يافطومه >  وواحد عرض ساي بدون طول >  غايتو ده الله يستر التش معاهو >  والتالت الناس مقبلة كده وهو مقبل كده >  الزول ده فاطي سطر يا روشا >  واقف في صورة جماعية زي الواقف لي سيلفي >  ده كان مدافع بختك يا ميدو >  الزول ده سارح >  ايها الناس >  قول السيستم قبل السمسم >  طرفنا اليمين الجديد ده باقي ليكم بدق رأسية ???>  الزول ده يخيل لي الكورة الارضية مابلحقها بي راسو >  محترف حتتتته >  ذكرني نكتة الزول القالوا ولدو نقلوهوا مدينة بعيدة>  رسل لي ابوهو وقال ليهو لقيت واحده هنا قلت اتزوجها اذا قبلت انت يا ابوي >  الابو فرح وقال ولدي عزال جاريهو ابوهو >  رسل ليهو قال ليهو عرسها وجيبها وتعال >  الابو قبلي متعصب جدا >  وبفتكر ولدو حايعرس من نفس الفصيلة>  الولد عرس وجاب العروس للبلد والابو فرحان والمعازيم كتااار والعروس شرط الابو ماسكها من يدها >  عاجباهو شديد >  تعالي بي جاي وتعالي بي جاي >  قام الابو قال جيبي موية للعروس يا بت >  العروس ردت بلهجة قبيلة الشحمه والنار مع قبيلة الابو >  الابو عاين ليها كدااااا >  واتلفت علي ولدو وقال ليهو >  قريشاتك قصرن ولا شنو يا ولدي ????>  اها >  اسي لما شفنا محترفنا الجديد  القصير ده ( اذا البستم طلع والسمسم انكشح والسيستم نصل )>  قلنا لي اسد >  قروشكم قصرن ولا شنو يا اسد >  لكن >  الله يلعن الكان السبب >  هي اخف دعواتنا في هذا الشهر المبارك >  لكن يامفوضية >  شقة غريبه>  ايها الناس >  ان تنصروا الله ينصركم >  اها >  نجي لي شمارات والي الخرتوم >  كان شفت يا والينا >  بالعشرة الاوائل ولا حسينا >  موش العشرة الاوائل في الشحم يا والينا >  هو وينو الشحم يا اخينا >  وبالعشرة التانيات لابنحس ولا هي بتحس بينا >  قالوا في اللحم ياوالينا >  هو فضل لحم فينا >  العشرة الاواخر قالوا في الكوارع يا والينا >  وده الخوف زاتو >  غير الكوارع شنو الفضل فينا سلك كهربا ننساك كيف والكلب قال زعلان من قفلة السيستم ولا فرحان يا اخينا والي لقاءسلك

شاركنا برأيك

هل تتوقع أن يتجاوز الطاقم الاقتصادي الحالي الازمة؟

تواصل معنا

حالة الطقس بالخرطوم

Search