الخميس، 19 تشرين1/أكتوير 2017

board

أضحك مع حمودة

> جلسة طيبة جمعتني مع الحبيب حمودة
> وحمودة هو بتاع النجيلة
> وعلي النجيلة جلسنا

> تجادلنا كثيراً
> وخرجت بانطباع شخصي مفادة أن أجمل وأنبل وأنجح قرارات المجلس كان قرار تعيين حمودة لإعادة تأهيل الملعب
> حمودة لما استلم وجد تلاتة مشاكل نجيلية بحتة
> الأولى الأملاح
> التانية تعفن جذور وفطريات
> التالتة تسوية الأرضية
> وبعد جهد مضنٍ وعمل متواصل وتوفير المعينات من المجلس عن طريق المهندس طارق زروق وكمال دحية وصل الملعب لصورته الحالية
> والملح بحسب تعبير حمودة زي السكري
> بحتاج لعلاج دايم و منظم
> وتم علاج المشكلتين التانيات
> ويقول حمودة إن الملعب الآن هو الأول على مستوى السودان وسيصبح الأول على إفريقيا بما فيها ملاعب مصر
> ويقول حمودة إن غرزة طلب منه تقصير النجيل على واحد
> وده في حد ذاتو دليل على طول النجيل
> أنهيت دردشتي مع حمودة وأنا أعترف بأنه هزمني
> فقد سبق وأن تحديته عندما استلم العمل وأظهر ثقة كبيرة بنفسه
> ولكني خسرت الرهان
> شكراً حمودة وطارق زروق وكمال دحية والمجلس
> وضحكت مع حمودة
> المهم
> غاب نزار أب شنب فانهزم الهلال
> وأنا عارف غياب أب شنب (نزار) سيفقد الهلال فرصة النجاة من الهزيمة
> وغالباً ما يغيب أب شنب (نزار ) عن تشكيلة الهلال بالجبال
> وحاتنقط صاح
> السنة الفاتت النحل خارجكم يا روشا
> السنة دي البخارجكم شنو؟
> المهم
> اليوم نلتقي سيد الأتيام
> والشغل مدور
> لن نعتمد على الاعتذار بمعسكر تركيا
> ولكن سنعتمد على الروح و الإصرار
> غرزة قال ده ما وكت عروض
> ولكن سننتصر
> وكت العروض بعد إكمال الإعداد
> الناس حاتشوف عروض صاح
> بس الصبر
> أيها الناس
> سنيتنا شغالة صاح
> كابتن محمد موسى وكابتن بدر الدين بخيت شغالين صاح
> ومن خلفهم رجال لا يحلو الحديث عنهم في عجالة
> ولكن سنعود لهم لنوفيهم حقهم كاملاً
> المهم
> انتهي الكرنفال الافريقي
> كانت ايام رائعة ومعظمنا يتابع العرس الافريقي من داخل الاندية و المنتديات واندية المشاهدة
> وكانت فرصة طيبة للحوارات الرياضية
> بس في ناس كده
> كلما تحدثنا عن بطولة من بطولات الكاف
> اتلفتوا وصاحوا محاسن كبي (أتي)
> باقي سيرة بطولات الكاف بتجيب ليهم الفشل الكلوي
> وبتقوم عليهم الشحتافة
> بتشحتفوا جنس شحتفة
> ويقعدوا يتكرشوا
> أصلوا الشحتافة بتجيب الكاروشة
> والكاروشة بتجيب الكوراك لي محاسن
> ايها الناس
> النجيل في ملعبنا علي الجهه الغربية كان مافي عديل كده
> لو فحصنا وظائف النجيل للحتة دي كان لقيناها متعطلة
> والغريبة قرب المرميين وداخل الشبكتين
> زي راسي ده كانن
> ويمكن راسي أحسن شوية
> فيهو نجيلة بالجمبات
> الليلة كلو زول يدخل ويحكم براهو
> شوف عين ما سمع أضان
> أيها الناس
> إن تنصروا الله ينصركم
> آها
> نجي لي شمارات والي الخرتوم
> والينا
> بالحال الفينا
> رمضان السنة دي علينا؟
سلك كهربا
ننساك كيف والكلب قال حيرتونا.. الشتاء ببدأ ليكم في العضم رمضان ببدا في العضم ما عندكم غير العضم؟
والي لقاء
سلك

الأعمدة

د. حسن التجاني

الأربعاء، 18 تشرين1/أكتوير 2017

خالد كسلا

الأربعاء، 18 تشرين1/أكتوير 2017

إسحق فضل الله

الأربعاء، 18 تشرين1/أكتوير 2017

الصادق الرزيقي

الأربعاء، 18 تشرين1/أكتوير 2017

د. حسن التجاني

الثلاثاء، 17 تشرين1/أكتوير 2017

خالد كسلا

الثلاثاء، 17 تشرين1/أكتوير 2017

بابكر سلك

الثلاثاء، 17 تشرين1/أكتوير 2017

إسحق فضل الله

الثلاثاء، 17 تشرين1/أكتوير 2017