الإثنين، 11 كانون1/ديسمبر 2017

board

الليلة عيد ميلاد فرحنا

> نصر من خارج الارض يشبهنا
> شكرا مجلس ادارتنا الذي عالج الاشكالية في وقت مناسب واتي بالمعلم غرزه
> وهنا مربوحة باذن الله

> لان اولاد المعلم غرزة يدركون جيدا قيمة الدعم المعنوي الكبير الذي يعده الشفوت بالقلعة الحمراء
> ايها الناس
> بدأ دور الجماهير
> فكونا من صراع مركزية وتنسيقية ومسميات تشجيعية
> الوقت للعمل
> يجب ان يعمل الجميع لاجل الكيان الكبير
> نهدئ اللعب لنشعل المدرجات قمحا ووعدا وتمني
> لندير معركة النصر الاولي
> انها الخطوة الاولي في طريق المطار
> ومن غيرنا يعرف للمطار طريقا
> من غيرنا اعطي لهذا الشعب معني ان يعيش وينتصر
> انها انجازات حققناها جعلت احلام غيرنا جزء من ماضينا
> غيرنا لسة بحلم بانجازات حققناها في ستة وتمنين وسبعة وتمنين وتسعة وتمنين واربعة و تسعين والفين واربعطاشر
> اي جزء من تلك الانجازات يمثل قمة الحلم اليوم لغيرنا
> بمناسبة غيرنا دي
> نبارك للاخوة الاهله عيد ميلادهم اليوم
> تلطاشر فبراير سنة تلتين ولد الهلال
> واظن ان نحسهم في تلطاشر دي
> فالرقم من دواعي الشؤم
> وينبئ باستمرار الصفر الدولي طويلا
> الليلة الهلال اكمل سبعة وتمنين سنة بالتمام والكمال والكسكتة والعقال ولسة يحافظ علي صفره المميز
> مازال الصفر طفلا يحبو
> ناس عمرهم الليلة سبعة وتمنين سنة ويبحثون عن انجاز حققناهو سنة سبعة وتمنين
> فطومة جيبي استيكة امسحي التاريخ
> ايها الناس
> نصر الامس خطوة تبعدنا عن الحتانة
> الحتانة السنة دي كسكتات ساااكت
> وعلي ذكر الحتانة
> الاهلي الليبي امس غالب تلاتة
> بتتذكر الاهلي الليبي يا محمد عبد الماجد؟
> الاهلي الليبي يا رااااجل
> الاهلي الليبي الخلاكم تزرعوا قبال الخريف و تشطبوا المحترفين قبل فتح باب الشطب بي تلاتة شهور في سابقة فريده من نوعها لاتبدر الا من صفر كبير
> ايها الناس
> جهجهة عاشتها جماهير المريخ امس بسبب عدم نقل اللقاء
> رابطنا بالنادي نستلهم النصر من عيون بعضنا البعض
> وفينا ناس اعصابهم باظت
> بقوا قاعدين زي العندهم زول في الانعاش وماعارفين حالتو كيفنها
> لو زول ضحك
> النادي كلو يسألوا
> قون ؟
> الجابو منو؟
> ولو زول قال يا ساتر
> النادي كلو يسأل
> جابوا فينا قون؟
> انا شخصيا خاتي قدامي جبنة
> شربت عصير الزول الجمبي
> والزول الجمبي شرب المقلب
> والقهوة مشت وين ما عرفناها
> وكان الجو ملائما للشائعات عبر الشبكة العنكبوتية
> زنطورابي كتب قوووون لي الغيني
> زنطورابي تاني كتب ليهو الجابو منو؟
> الزنطورابي الاول كتب
> جابو محمد حسين
> الله يسألكم لاقاكم غيني اسمو محمد حسين ؟
> جنس زنطرة
> جنس صفرره
> جنس حسادة
> جنس سبعة وتمنين سنة واحلامكم جزء من ماضينا
> ايها الناس
> سمعنا بمعاملة اهل غينيا لينا
> لازم يعرفوا حاجة
> من المطار للشقيلاب حتي العودة بشارع الهوا ومن سوبا للسوق العربي
> التمرين في استاد الموردة
> زيارة ناس جامعة افريقيا للبعثة ممنوع منعا باتا
> النور يقطع في الفندق
> و ياريت لو كل فنادقنا قالوا مافي حجز
> عشان يبيتوا في الميناء البري
> البادئ اظلم
> محمد عبد الماجد
> قول كلتشي عشان تفقد سوائل
> ايها الناس
> ان تنصروا الله ينصركم
> اها
> نجي لي شمارات والي الخرتوم
> عاد ده يوم شمار يا والينا ؟
سلك كهربا
ننساك كيف والكلب مبسووووط يهز في ضنبو ساااي… . تحيا الوطنية
والي لقاء
سلك