الأربعاء، 29 مارس 2017

board

قريباً الديبة في الميناء البري

> اللهم لاشماتة
> وعلى طريقة فطومة أختي
> وأنا على سلم الطائرة اتصلت على الزعيم كردنة
> طوالي فطومة بتقول كده


> والغريبة فطومة والرشيد أول ما يقولوا الزعيم طوالي بقولوا بعدها كردنة
> الزعيم ساي مابقدروا يقولوها 
> وكردنة براها مابتدي المعنى
> المهم وعلى طريقة فطومة
> أنا على سلم الطائرة اتصلت على الزعيم كردنة
> أنا على سلم الحافلة فتحت خيال
> مدرب في قامة غرزة لما توقع معاهو عقد عدد السنين بوري طموح الطرف التاني
> كلما قصرت مدة التعاقد كلما كان طموح الطرف التاني محدوداً بالبطولات المحلية
> وكلما طالت فترة التعاقد وأطلقت الصلاحيات واسعة بيد المدرب، كلما كان الطموح كبيراً يصل لدرجة كأس العالم للأندية
> لأن بناء فريق بطولات يختلف عن تحقيق البطولات
> يمكننا أن نحقق البطولة في عام
> وفي الموسم الذي يليه ننزل للدرجة الأولى
> لأننا هدفنا للبطولة ولم نهدف لبناء فريق بطولات إن لم يحز على البطولات توالياً تواجد في نهائياتها على طول
> في اللحظة دي الكمساري كورك
> دايات يا
> حد نازل
> قلت ليهو نازل أنا ده
> الحافلة كلها تعاين لي
> بنزل الدايات
> المابنزلني شنو وعقد غرزة سنة
> قابل للتجديد دي طبعاً باتفاق الطرفين
> يعني ما قابل للتجديد برغبة طرف واحد
> والدنيا سوق
> والظروف بتتغير
> نزلني الدايات ياخ
> المهم
> الديبة (المدرب رقم15 ) في الكسكتة
> حايكون أول مدرب هلالي في العهد الكاردينالي يغادر بالميناء البري
> لأنو الديبة الشاطر لايمكن أن يصنع من فسيخ بخاري شربات استقرار في وظيفتو
> الديبة حايرجع بويا طرف شمال ويجيب الطاهر الحاج في قلب الدفاع وكده أي كورنر قون
> أيها الناس
> روشا ماشي لأسامة عطا المنان في محلو
> الوادي نيالا تيم أسامة
> ولا بنفع مستشفى في حي الوادي ولا لقيمات
> أولاد حي الوادي بي لقيماتهم يا روشا
> وكل أسلحة هزيمة الهلال متوفرة لديهم
> وأولها ضعف الهلال البائن
> والكورة في ملعبك يا سمسم
> وريهم بتختلسوا الهدف كيف
> هدف خلسة والديبة يرجع أسه
> المهم
> سمعنا بتعيين السادة
> التعيين أذان المغرب
> تجميد القرار قبل الإقامة
> وخلاف السادة صاحب الشخصية مع فطومة أختي ما داير ليهو درس عصر
> محاسن قلتي لي البرأس الهلال منووووووو؟
> آها
> كتيبة غرزة توجهت لغزوة جديدة
> فبحمد الله بتنا ننتصر في معارك الخارج قبل معارك الداخل
> والجميل في البطولة العربية إنو كاشها داون مع أية مرحلة
> وبعد تخطي المرحلة دي حانقبض تاني
> القبضة التالتة دايرين نسجل بيها لعيبة للهلال
> ما ممكن أربعطاشر خواجة في سنتين كلهم أكياسهم فاضية
> أكيد في شيء بقد الكيس ويفضيهو
> وشيء بقدد الأكياس غير خت المواسير جوه الأكياس مافي
> ياخ مرة واحد بتاع كارو شايل مواسير
> الحصان فجأة وقف
> عندو غرض داير يقضيهو
> دخل فيهو بتاع دفار
> تصدق المواسير قدت الدفار!
> نفس الحكاية بتاع بوكس شايل مواسير
> الكلام ده جمب الطلمبة
> رجع خلف في تانكر المواسير قدتو ليك كشح البنزين ابو تمنية وعشرين ألف ده في الشارع
> ألف وخمسمائة جالون اتكشحت
> في نص ساعة التانكر فضى
> تقول لي مدرب كيسو فاضي
> مواسيركم دي تفضي بحر خليهو كيس
> المهم
> أيها الناس
> نحمد الله ننعم باستقرار يجب استغلاله في الإنجاز سواء على مستوى فريق الكرة او على ملف الاستثمار
> مثل هذا الاستقرار قلما يتوفر إلينا
> حقو بالنفسيات العالية دي ننجز ملفات الاستثمار و مساندة الفريق واستنفار الجماهير وتوحيدها في بوتقة واحدة أساسها المحبة والإخلاص والعمل
> بالذات والعدو ربنا شغلو في روحو
> كيدهم بقي في مواسيرهم البتقدد أكياس مدربنهم لمن تفضي
> غايتو يوم فطومة أختي حاتكتب الآتي
> وأنا على سلم الطائرة اتصلت على الزعيم كردنة وقلت ليهو أنا اتخارجت ماشة دبي
> اتفكفك يا أخوي الجمهور قطع كوبري المك نمر وماشين بشارع النيل على قاردن سيتي
> عجوبة جيبي سوبا
> ايها الناس
> إن تنصروا الله ينصركم
> آها
> نجي لي شمارات والي الخرتوم
> كان شفت يا والينا
> لا لقينا البقوينا
> لا لقينا البداوينا
> لا كملت بلاوينا
> ولا خلصت حكاوينا
سلك كهربا
ننساك كيف والكلب قال يا مشهيني طعم النوم أريتك بالسهر الاجيب عويناتك في فقرتك
والي لقاء
سلك