الخميس، 25 أيار 2017

board

فليتبعني وراء ذلك الوادي

< الرجالة ليست شنب ولا عكاز مضبب ولا ملفحة وعباية ومركوب نمر
< ولكن الرجالة هي مواقف شهامة وكرامة وشجاعة
< وهي بهذا تختلف عن الفحولة


< فالفحولة يمكن ان تتوفر للتور
< وان يتمتع بها الارنب
< حتي ود ابرق اظنه يعتبر من المنافسين في ذلك الوصف
< ويقال انها لم تتوافر بقدر كبير مثل القدر الذي توافرت به عند الفار
< اب سيسي الصغيروني ده افحل فحول الدنيا
< لذا تميزت الرجولة عن الفحولة في ان الاولي لا تتوفر الا في رجل صاحب كياسة وشهامه وشجاعة وكرامة وكرم
< وما اكثر البناطلين والعراريق والجلاليب والملافح الحايمة وما اقل ما تضمه تلك الملابس من رجال
< والرجالة بذلك المفهوم نجدها تتوفر وبكثرة عند سيدنا عمر بن الخطاب رضي الله عنه
< وهو الذي تحدي قريش كلها حينما اطلق مقولته الشهيرة التي زلزلت الدنيا
< من اراد ان تثكله امه فاليلحق بي خلف ذلك الجبل
< لله درك يا رجل
< يعني طالعني الخلا
< موقف رجولي بطولي ساعد كثيرا في ان تلزم قريش حدودها وتعرف قدر الاسلام
< المهم
< ناس روشا شابكين في اسامة عطا المنان بي سبب وبدون سبب
< و فرصة أسامة جات
< اسامة ابن نيالا
< والوادي وادي نيالا
< وكأني اري اسامة شاهرا سيفو وبعاين لي ناس روشا في عيونهم قائلا
< من اراد ان تثكله امه فاليتبعني خلف ذلك الوادي
< محاسن السيف بكتل
< المهم
< امورنا ماشة عال
< والبلد هناك متشرفه بينا
< وقصة نغلب بره دي وارده
< عادي عندنا
< ونحمد الله علي نعمة الاستقرار و الانتصار لي انتصار
< المهم
< صاحبي هلالابي مغترب في السعودية
< قابلتو امس صدفة
< ما كنت عارف انو جا
< سلمت عليهو وقلت ليهو متين في البلد?
< قال لي امس
< قلت ليهو ما سمعنا
< قال لي جيت فجأة
< قلت ليهو جيت فجأة لوفاة الهلال ولا شنو؟
< وناس محمد عبد الماجد اهم عايشين والنفس طالع ونازل ولا ينقصهم شئ سوي رؤية الفقيد رحمه الله الغالية
< ايها الناس
< فكرة مجلس الشرف الداعمة عشان ما تموت تلحق الجماعة حقو مانهملها
< السجل وماسدد يسدد
< والما سجل يسجل ويسدد
< والسجل والدفع قسط يسدد قسط تاني
< فشرف العملية هو ان نساهم جميعا في نهضة الزعيم
< فالمريخ ملك للجميع في كل الاحوال
< عند الانتماء وعند التشجيع يبقي برضو عند الصرف والمساهمة يجب ان يكون ملكا للجميع
< المهم
< ابو الهل يحتضر
< لان الاحلال والابدال عندهم اعتمدوا فيه علي المكايدات
< يذهب الشغيل ليأتي اب ستة
< يشطب مساوي ليخلفه بخاري
< وابراهومة مكايدة كده صانع لعب نباتي اقصد اساسي
< وكاريكا ما مرتاح
< وبشة داير يفهم اول منو البدير الهلال
< والحزن القديم تاور جابسون
< والكنبة ملت منو
< يجيبوهو مع حفاظة الموية ويشيلوهوا معاها
< والنتيجة فريق ضعيف لا اساسيين ولا بدائل
< ومات
< ده السبب الجاب صاحبي من السعودية
< جا لوفاة الهلال
< محاسن ماتبكي
< ايها الناس
< تحية للمجلس الذي ظهرت بعض بصماته علي بعض الملفات
< ولكن نسأل
< ماذا حدث في ملف الاستثماااار؟
< ماذا حدث في ملف القناة والاذاعة؟
< فقط للتذكير
< ايها الناس
< باقي ليكم ناس نيالا محتاجين مستشفي ولادة!!!
< تنويه
< نسبت قبل يومين اغنية لو اعيش زول ليهو قيمة للرائع العميري
< طبعا ما فات عليكم ذلك الخطأ
< عذرا لكم جميعا
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< بنطلع الصباح و نرجع بالليل بقينا
< وكأننا لا رحنا ولا جينا
سلك كهربا
ننساك كيف والكلب قال عدم الشغلة مشكلة
والي لقاء
سلك