الأربعاء، 29 مارس 2017

board

محاسن أقري الدستور الجديد كويس

< اليوم نلتقي الموريتاني على أرضه ووسط جمهورنا
< نعم وسط جمهورنا
< لو ملاحظين لي صور أهلنا من موريتانيا وفيديوهات الحفلات حقتهم التي تأتينا بالميديا


< تجدهم في منتهى الجمال
< والتوب السوداني لايق على الموريتانية
< لايق لدرجة السوداني لما يشوف التوب السوداني على الزول الموريتاني السوداني بعمل لايك
< وجمال زي ده الأصلو ما معقول لا يكون الا مريخيا
< لذا نقابل الموريتاني على أرضه ووسط جمهورنا الجميل
< برغم استعداد الفريق الموريتاني ووقفة الدولة الموريتانية معه واستعانته بمحترفين جيدين
< إلا أن النصر عليه وارد
< ومن بين عيون تلك الحسان نقتلعه
< فالجلد بره الحلقة ما بطان
< حقارة عديل
< وقصة نخسر بره دي نسيناها بدري
< بالذات وغرزة المعلم يقود كتيبة النصر الكبير
< البطان في نيالا
< شبطك
< بس أركزوا فطومة وراكم
< البنط مع السوط فطومة بتكشف حالو
< أركزوا سااااي
< الجلد في البرد ده حاااااار
< وناس نيالا داخلين المباراة تحت شعار
< ششششششبطك
< المهم
< طبعاً أكضب حاجتين في الدنيا تلاتة
< الأولى بت الموبايل البتقول ليك هذا الرقم غير موجود في سجلاتنا او مقفول او مشغول او مكالمتك لاتتم حسب الطريقة
< ماتصدقها أضرب تاني ونفس البت حاتقول ليك أضغط نجمة وشيل النغمة
< كلهن كضابات بنات شركات الموبايلات ديل
< التانية وعود ناس السياسة
< ياخ ديل برموا جنس دُراب
< لمن المكرفون يرجع منهم لي ورا
< ياخ ديل دلابين جنس دليب
< أسكت بس
< التالتة ودي أكضبن
< قصة كأس الكنغو
< الزول من يقول ليك جبنا كاس من الكنغو أعرفو طوالي كضاااااب ويغالطك في اسمك
< المهم
< تشهد لنا جوياتنا بمدى صدقنا
< ويشهد التاريخ لنا
< كما شهد لعبد الفضيل و صحبة
< ونريد أن نجتر التاريخ لنعاود إنجازنا المسطر على صفحاته
< وأول تلك الخطوات هي استمرار المعلم غرزة
< وبمناسبة غرزة وتوقيعه للعقد
< أتمنى أن تكون الإدارة القانونية هي من صاغ العقد ومن حضر التوقيع ومن درس فقراته قبل كل ذلك
< فالأمر يا دكتور علي ازيرق تخصص
< ولا أظن أن دور الإدارة القانونية يظهر فقط عند وصول إعلانات التنفيذات المصرحة ضد الزعيم
< او في جلسات النفايات ورسوم المحليات
< فدور الإدارة القانونية أكبر من ذلك
< أليس كذلك يا صديقي الأستاذ إبراهيم فتح الرحمن؟
< آها
< قال ليك واحد في الولايات ربنا ابتلاه
< يومياً كبي حرجل كبي حرجل
< ويومياً الشرطة بتجيبو المحكمة
< لاهو كل ولا القاضي كل ولا الشرطة ملت
< مع العلم بإنو القاضي في تلك البقعة شغال مدني وشرعي وجنائي ونظام عام ويمكن دائرة توثيقات كمان
< وبما إنو القاضي ليس من أبناء المنطقة كان مفرغ يوم الخميس عشان يشيل أهلو
< صاحبنا المدمن يومي يجيبوهوا لنفس القاضي
< آخر مرة القاضي قال ليهو تاني لو جابوك لي هنا بوديك السجن
< المهم يوم الخميس القاضي بلملم ماشي أهلو
< العسكري قال ليهو يا مولانا في زول واااحد في الحراسة شوف لينا موضوعو عشان ما يقعد لينا في الحراسة لي يوم الأحد
< مولانا قال ليهو جيبو سريع
< العسكري دخل صاحبنا المابغبى القاضي
< مولانا انفصم ليك فيهو
< انت؟ طوااالي انت؟ أنا ماعندي شغلة غيرك؟ أعمل شنو أنا عشان أرتاح منك؟
< صاحبنا قال للقاضي اتنقل يا مولانا
< آها
< اذا لاقاك هلالابي وقال أعمل شنو أنا عشان أرتاح
< قول ليهو اتنقل .. يا مولانا
< فكردنة لن يتخلى عن الكسكتة عشانك إنت
< ويظل الهلال ينقط
< نقطة نقطة ومحاسن متعبة من جيب الجردل
< اتنقل يا مولانا
< المهم
< قبيل قلنا أكضب حاجتين تلاتة
< بت الموبايلات
< والوعود السياسية
< وكاس الكنغو
< والأكضب من ديل كلهم الواتساب
< ياخ ده برزع رزعي
< كان قال ليك تلاتة كلمات فيهن أربعة كضب
< وما يجيب إلا القلائل
< آها الواتساب جاب ليهو قليلة
< قالوا دايرين يلغوا البكور وإجازة السبت
< مجلس الوزراء قالوا قال كده
< ولكن السؤال
< اذا الكلام ده صاح
< أين ذهبت شعارات البكور
< ناس الفجر حاضر في جماعة
< زيادة الإنتاج بإلغاء وقت الفطور
< إيد البدري قومي بدري وأزرعي بدري وبابكر بدري كان تنقدري؟
< وهل كان قرار البكور نتاج دراسات ولا حركات شفع ساي؟
< وهل الرجوع للتوقيت العالمي بعد دراسات أثبتت فشل البكور ولا برضك حركات القصد منها تغيير مسار حديث المدينة من الشكية و الألم لموضوع فارغ؟
< إن شاء الله القليلة الجابها الواتس دي تكون زي كاس الكنغو كضبة سااااي
< أيها الناس
< إن تنصروا الله ينصركم
< آها
< نجي لي شمارات والي الخرتوم
< كان شفت يا والينا
< دايرين يرجعونا للتوقيت القديم قالوا لينا
< التوقيت بس يا والينا؟
سلك كهربا
ننساك كيف والكلب قال الساعة كم كلمني
والي لقاء
سلك