السبت، 24 حزيران/يونيو 2017

board

الفكي فكة

> قالوا الهلال مسحور
> امس شفنا كورة وادي نيالا
> العمل فكة

> هي جنس فكة
> فكة ساي !
> فكة من امها
> فكة زي البشكة
> واضح انو الشغل فكة
> كيف قدرتوا علي الفكة دي يافطومة؟
> لكن عجبتني الفكة
> بالذات وابو الهل داخل علي معترك افريقي
> واذا دخل ذلك المعترك بي طريقتو الفاتت دي بطير
> عشان كدة كان لازم السحر يبطل
> العمل فكة
> هو ياخ لو ما الشغلل فكة
> ناس وادي نيالا في خط ستة مايشوفوا القون
> والله لو ما الشغل فكة ياروشا وادي نيالا الشوط التاني بس كان جاب اربعة اقوان
> لكن الشغل فكة نسوي شنو عاد
> ايها الناس
> لو ما الشغل فكة
> الهلال ماكان طلع بالتلاتة نقاط
> لكن الشغل فكة
> وفكة الشغل دي طبعا الفضل برجع فيها لي ناس اشتغلوا خلف الكواليس
> اشتغلوا شغل جد اظنهم
> عشان كدة الهلال غلب
> ما الشغل فكة
> الشغل فكة عاد نسوي شنو
> لو ما الشغل فكة الهلال مابجيب قون
> ياخ نزار اتفرد شاتها مرتين ضيعها
> لعبها باستهتار
> عارف الشغل فكة
> لكن بصراحة الفكة دي حيرتنا
> مفعول سريع
> فكة بي جاي الهلال غلب بي جاي
> قلت ليكم الشغل فكة
> المهم
> اكتب بين شوطي مباراتنا ضد السلاطين
> خضناها بالصف التاني
> ناس عاشور واوجو وجكسا ومحمد الرشيد وحقار وجلال وكده
> باقي نحمد الله صفوفنا كتاااار
> ضباط وصف ضباط وجنود
> جيشنا مكتمل الصفوف
> لم نشرك من الكبار الا ضفر وراموس جعفر
> والآن نستعد لمتعه ساحرة تخلو من السحر و الفكة
> الفكة بتاعت الشغل
> موش قلت ليكم الشغل فكة؟
> القصة وااااضحة
> الشغل فكة
> لانو لو مافكة الهلال ماكان غلب
> المهم
> بالصف التاني اتوقع نصرا حليفا لنا
> وياريت راموس جعفر يعيد لينا لقطة موريتانيا
> ايها الناس
> جماهير المريخ الواعية الخلاقة المبدعه
> تبنت فكرة توفير القروبات لمرتب المعلم غرزه
> ولاءا منها
> وحبا في غرزه
> وقناعة
> و تخفيف علي الوالي
> اتمني ان تنجح الفكرة برغم ثقتي في نجاحها
> وان تسلم المبالغ شهريا للمجلس تحت مسمي دعم الشفوت لتوفير راتب غرزه
> وان تدخل القروش للمجلس مخصصة لراتب غرزه
> واذا المجلس عندو اعباء تانية
> يشوف يوفر مبالغها من وين
> بس مايهبش قروش راتب المعلم غرزه
> لكن من الشفتو امس ده
> واضح الشغل فكة
> محاسن جيبي ماء الورد
> ايها الناس
> ان تنصروا الله ينصركم
> اها
> نجي لي شمارات والي الخرتوم
> والينا
> في موضوع الضبان والباعوض والنفايات شنو العملتو لينا ?
سلك كهربا
ننساك كيف والكلب قال اصبروا لما الباعوض يدخل بي اضنينكم ويطلع بي نخرينكم
والي لقاء
سلك