الثلاثاء، 27 حزيران/يونيو 2017

board

نجيكم تكوركوا نكورك ليكم ماتجوا

>  الفيك بدربو
>  مثل قديم ومزبوط شديد
>  ينطبق تماماً بالذات هذه الأيام وبعد ريمونتادا المريخ الأخيرة علي ناس كده

>  لأنهم لايعرفون قهر المستحيل
>  ولأنهم لا يدركون أن ثقة الشفوت في أولادهم رفعوها شعار مهما هم تأخروا فأنهم يأتون
>  نجي وووب
>  مانجي يفلقونا فارغة
>  نجيكم تكوركوا نكورك ليكم ماتجوا
>  قدر مانكورك ليكم قاعدين في صفركم ده لما بقي ليكم بمبر
>  آخرها راء
>  ستة وستين الف مشجع
>  ديل داخل الاستاد بس
>  وحول الاستاد ستة وستين تانيين
>  ثورة أكتوبر ما جابت ستة وستين الف
>  الانتفاضة ما جابت ستة وستين ألف
>  زيارة جمال عبد الناصر وزيارة ام كلثوم من بعده ما جابن ستة وستين ألف
>  ستة وستين ألف مواطن ما اتلموا في البلد دي الا في الساحة الحمراء
>  ولا أظن أن ساحة في هذا الوطن مهما كان لونها تستطيع أن تجمع ستة وستين الف مريد ومحب وعاشق صادق
>  تتفرد الساحة الحمراء لأن الزعيم متفرد
>  ولأن الزعيم قهر المستحيل والأوهام وفاسد الأحلام
>  خرج علينا من يبخس انتصارنا الكبير بفرية التواطؤ
>  فهم لا يصدقون ما يفعله الزعيم لأنهم لا يعرفون الإصرار وروح الأبطال
>  ولو كانوا يتمتعون ببعض روح الأبطال لما ظلوا مصنقرين على صفرهم حتى صار بمبراً لهم ورمزاً
>  بمبر ورمز دي حلوة
>  يعني لو اختصرنا الكلمتين بطلعن بمبرز
>  ايها المريخابي
>  أول من تسمع بمبرز أعرف طوالي المقصود بمبرا ورمزا
>  المهم
>  أشاروا الى أن الزعيم اشترى
>  ده بس المابنعرف ليهو يا ناس
>  وهنا يطل علينا المثل الخالد
>  الفيك بدربو
>  فاذا ساءت أفعال المرء ساءت ظنونه
>  ياخ مرة واحدة ظنوا فينا خير
>  المهم نحن لا نعرف أشياء كثيرة
>  مابنعرف نتغدا مع رئيس سموحة في الاسكندرية
>  من الله خلقكم لاقاكم أجنبي بعزم وطني غدا في اسكندريتو؟
>  وما قلنا شيء
>  يوم سموحة شفنا هدف الشغيل التعادلي وماقلنا شيء
>  ولما مهاجم سموحة داخل خط ستة شاتها بره
>  عايننا لي بعض وبرضو ما قلنا شيء
>  حاجات كتيرة مابنعرفها
>  اتنين بي قدرة قادر تبقي اطناشر؟
>  برضو ما قلنا شيء
>  خطأ مجاني ما قلنا فيهو شيء
>  تدق محل الحقنة
>  عادي ما قلنا شيء
>  ماكورة ومأمورة تدق محل ماتدق
>  مابنقول شيء
>  شفنا الحيمودي منبطح أرضاً بين شوطي مباراة الترجي الذي يتقدم بهدف المسيكني
>  في دي ماسكتنا
>  قلنا شيء
>  قلنا الدقا منو حماد
>  حاجات كتيرة مابنعرفها ولما نشوفها مابنقول شيء
>  لأننا نقتنع بأنك لا تهدي من أحببت ولكن الله يهدي من يشاء
>  حتى القبض بالثابتة بالمنشطات (الوكت داك مافي غرفة مخدرات) في البطولة العربية برضك ما قلنا فيهو شيء
>  حتى عدم تلفزة كورة سانغا ظنينا خير و قلنا يمكن الشارة طاشة وحتى لو الشارة مطششنها برضك مابنقول شيء
>  الفيك بدربو
>  قال كليتشي اتفق مع اولاد خالتو
>  من الله خلقكم لقيتوا ليكم نيجيري عندو ود خالة؟
>  الفيك بدربو
>  أقعد في صفرك البقى ليك بمبرا ورمزا
>  قلنا بمبرا ورمزا اختصارها شنو؟
>  اييييوه شطار
>
>  المهم
>  قلب المريخ الطاولة على الجميع
>  على جميع الريفرزاب
>  طبعاً في ريفرزاب في سودانا ده
>  وديل ممغوصين أكتر من ريفرزاب نيجيريا
>  وريفرزاب نيجيريا رسلوا رسالة صوتية لي ريفرزاب البلد دي قالوا ليهم فيها
>  سنو هجو ريفرز سودانكا
>  وحات الله اي كيوانا أقرب مبارا اليكم ككا مقابر فوووووو ..  يعني
>  السلام عليكم حجاج ريفرز بالسودان
>  أقسم بالله وعلي الطلاق تباروا  العقرب ده (ككا) يوديكم المقابر سرييييع
>  ايها الناس
>  اليوم نعود للممتاز في وضع ممتاز
>  أقرب مباراة ليكم ككا كادقلي سنو مقابر فوووو
>  ولأن التنافس الداخلي الشريف يعنينا
>  ولأن الدخل يدعم خزينتنا
>  ولأن الفرح العارم يجرفنا
>  نجي كلنا
>  اقرب ككا
>  تكت ككا
>  رمضان ككا
>  كونلي ككا ككا
>  السماني ووووي الي هجو
>  لنستمتع
>  ومحمد عبد الرحمن سيبدأ في العودة منذ اليوم إن شاء الله
>  كايوانا فقير نفاثات عقد تكتشا
>  ايها الناس
>  إن تنصروا الله ينصركم
>  اها نجي لي شمارات والي الخرتوم
>  كان شفت يا والينا
>  الفلس طلع عينا
سلك كهربا
ننساك كيف والكلب قال الراجل ما بعيبو جيبو الراجل البعيب جيبو
والي لقاء
سلك