الخميس، 24 آب/أغسطس 2017

board

حالتو مرضان

>  فزنا علي اولاد الجبال امس
>  هذا الموسم هلال كادوقلي يظهر اكثر احتراما
>  لياقة بدنية عاليه

>  لعب ضاغط
>  نزول جماعي في حالة الدفاع
>  انتشار سريع في حالة الهجوم
>  ولعب افريقي شرس
>  واذا استمر هلال كادوقلي بهذا المستوي المشرف
>  فانه سيكون الند الحقيقي للمريخ قمة الكرة السودانية
>  تحية لاولاد الجبال علي هذا المستوي
>  المهم
>  فزنا بهدف وحيد احرزه كونلي
>  كونلي المرضان
>  واظن ان هذا الصبي مرضه مرض مزمن وخطير وما بتعالج
>  الزول ده مرضان بالاهداف
>  كلما المرض يشتد عليهو  يمشي قدام يدخلها ويرجع
>  ده مرض خطير ولكنه غير معدي
>  عشان كده ماتخافوا علي بويا وعمار يتعادو بهذا الداء القاطع قلبكم يا روشا
>  بويا وعمار مرضهم نوع تاني
>  مابمشي مع مرض كونلي
>  بويا وعمار مرضهم التجلية والصريج
>  والمرضين ديل البكتيريا المسببة ليهم  بتكتل البكتريا البتسبب مرض احراز الاهداف المصاب بيهو كونلي
>  اريتو مرض الوليدات لي حدهم
>  المهم
>  الاهلي والزمالك لسه متشاكلين في الهلال
>  واحد اهلاوي حلقومو كبير وبطنو لي ركبو
>  امس قالوا مشي وقف جمب السفارة السودانية بالقاهرة وقعد يكورك
>  خدوا حلايب
>  خدوا شلاتيت
>  الاسكندرية اخدتوها من بدري
>  وخدوا اسوان
>  بس ماتخادوش الهلال من مجموعتنا
>  زملكاوي شافو قعد يكورك
>  متسدؤش الراجل ده
>  خدوا السد العالي
>  خدوا الازهر
>  خدوا فراولة ساءينها من المجاري
>  بس سيبولي الهلال في مجموعتي
>  فرتقتوا الفراعنة وشتتوا شملهم يا روشا
>  متفقين علي اي شئ
>  ومختلفين علي الهلال
>  واحد بعيط
>  انا عاوز هلاااااااااال
>  ايها الناس
>  الفريق لسه ما وصل لمرحلة المقبول والاكتمال
>  و الشغل ماشي تمام
>  بس بنسأل
>  مدرب الحراس الفرنسي مشي وين
>  الحتة دي دايرة نظرة
>  ايها الناس
>  ماذا فعل المريخ لانتخابات الاتحاد العام المرتقبة؟
>  القصة فيها حكاوي كتيرة
>  ولكن وقوف المريخ موقف المتفرج لا يمكن
>  الحتة دي دايرة عمل كبير
>  المهم
>  حكاية ندخل الملعب بعد اي مباراة دي مابتشبهنا كصفوة
>  فبعد ان نقم بدورنا كشفوت علي المدرجات
>  يجب ان نحتفل كصفوة بعد المباراة
>  ودخول الملعب يضر بالارضية التي ننفق عليها الملايين
>  ويضر بالمرمي والشباك
>  والزول الصفوة بحافظ علي ممتلكات النادي
>  عشان كده
>  خلونا شفوت علي المدرجات اثناء المباراة
>  وصفوة نحافظ، علي الممتلكات بعد المباراة
>  ويا دحية شوف ليك حل للحتة دي
>  ايها الناس
>  اذا فيكم زول قال لي حكم امس ده عندو علاقة بتحكيم كرة القدم مابصدقو
>  الزول ده شغلو مافيهو قرفة لكن اشتم منه  عدم عرفة
>  ايها الناس
>  ان تنصروا الله ينصركم
>  اها
>  نجي لي شمارات والي الخرتوم
>  كان شفت يا والينا
>  في حاجات بتعجبنا لما تعملوها لينا
>  وترجع لاسباب تافهه تزعلنا يا والينا
>  منها المجمعات الخدمية بتاعت الجوازات و الرقم الوطني والترخيص والتأشيرات البتدقة علي جوازاتنا ونتخارج بيها يا والينا
>  في زيارة ليها وطلب خدمة لما الفرصة اتيحت لينا
>  وجدنا مباني هاشه وعماله باشه وشبكة طاشة يا والينا
سلك كهربا
ننساك كيف والكلب قال ده خلوهوا كبري ود البشير الطائر افتتحوهوا قبال سنين ولي اسي ما اكتمل لينا تجي من الشمال ماشي الجنوب تدخل الردمية وتصل الاراضي حتي ترجع شرق تمشي لمن تفتر عشان تتجه شمال… . طاير لي شنو بس، ورينا؟.
والي لقاء
سلك