الثلاثاء، 27 حزيران/يونيو 2017

board

أربعة أقوان جننت العالم

>  كل الحاصل قبل الفاصل
>  إنو الأربعة أهداف عملت زوبعة
>  الأهداف التي أحرزناها في شباك ريفرز ما وجعت ناس ريفرز قدر ما وجعت ناس الرفا الأزرق

>  ناس صفرهم مابوجعهم
>  لكن الوجعة كلها في إنجاز المريخ
>  بخافوا المريخ يعملها تاني
>  والأربعة أهداف ذاتها كان للعقرب القدح المعلى فيها
>  لذا كانت الوجعة أوجع
>  وكمان جابت ليها شقلبة قبل القون
>  أخواننا الصفراب ديل ضايقين قرصة مانديلا
>  عشان كده بخافوا من جرة حبل التأهل لدور قادم
>  ما برتاحوا إلا المريخ يطير
>  في 2015 جميعهم كان يخاف أن يظفر المريخ بالأميرة السمراء
>  لكن ولا واحد فيهم كان خاتي احتمال صفر في المية الهلال يجيب شيء
>  خرجوا بالهزيمة على أرضهم من اتحاد الجزائر ولم يحزنوا
>  لأنو بالهم مافي فريقهم
>  بالهم في المريخ ده كان جاب الكاس
>  وكانت فرحتهم عارمة عندما خرج المريخ أمام مازيمبي بفارق الأهداف وبعد ضغط تحكيمي على أرضه حيث نقض الحكم هدفاً صحيحاً لبكري وأهدى مازيمبي هدفاً من تسلل واضح
>  هنا فرحوا فرحاً شديداً
>  لأنهم ضايقين قرصة مانديلا
>  فبقوا يخافوا من جرية بكري وجرة المدافع
>  ولكن الحقيقة إننا ندخل في عراك مع أهلي القاهرة وزمالك مصر في المطالبة بالضعفاء في مجموعتنا
>  دي ستة نقاط مضمونة عليها نقطة من تعادل ولو على أرضنا ونضمن التأهل لمرحلة قادمة
>  شعارنا ود العم برجع السيرة
>  والسيرة مرقت عصر
>  أيها الناس
>  اليوم نلتقي الرهيب
>  نتمناها لوحة في الروعة
>  ومواصلة لمشوار تصدرنا للمنافسة برغم سودانية باسكال القاطعه قلوب جماعة كده
>  ونتمني بعد فرحتنا العصرية
>  تمتد أفراحنا للفترة المسائية
>  وصدقوني اذا لم يخطئ التحكيم الليل كلو حانضحك
>  آها
>  يوم كورة ودنوباوي واحد قال لي الجماعة معصورين
>  قلت ليهو الكورة فيها حكم؟
>  قال لي طبعاً
>  قلت ليهو عصرة وبتنتهي
>  شدة وتزول
>  الهلال ما بنعصر طالما في حكم
>  لأنو الحكم يخطئ ولا يظلم
>  وجميع أخطاء الحكام تصب في اتجاه واحد
>  الدقيقة تمنين ضرب لي
>  قال لي يا أستاذ كورة ود نوباوي دي قبل كده شفتها؟
>  قلت ليهو ليه ؟
>  قال لي الحكم أخطأ ورجل الراية أخطأ وتعادل الهلال من تسلل ضحك عليه عمال البناء الساكنين في الإستاد
>  اللهم أي زول شايل صفارة يجور على زول اللهم أدخل صفارته في حلقومه يا رب العالمين
>  وتاني ما تطلع
>  تظهر في المقطعية بس
>  اللهم وأي زول شايل راية رفعها غلط او جات تترفع براها وقهمها تحت
>  اللهم أدخلها في عينه للعلم
>  يجروها وووب
>  يخلوها وووب
>  يارب العالمين
>  أيها الناس
>  الطير كيس الديبة شنو ؟
>  وهل لصديقي النقي دور في الاتجاه المعاكس لطيران كيس الديبة ؟
>  وماهي حقيقة ما سمعناه عما حدث داخل قاعة الطعام ؟
>  وهل مزاج روشا ونفسيات فطومة اختي لهما دور في تغبيش بشرة النقي النقية ؟
>  إن كانت الإجابة بنعم
>  أليس عمر من أبناء الهلال الخلص والمؤهلين ؟
>  طيب شامنو ليه ؟
>  ولا عشان زمااان كان شغال مع الأرباب سبب العذاب !!!!
>  الدكتور عمر النقي رجل متعلم ومهذب وواضح وكان نجم من نجوم أهلي مدني تعب الهلال تعب شديد لمن كسب توقيعه وبعدها كان نجماً هلالياً مقاتلاً في وقت كان قتال المهاجم فيه غير معروف للناس
>  خلوا العيش لخبازو يا روشا
>  فالنقي أقيم وأفيد من الجوهرة
>  أيها الناس
>  إن تنصروا الله ينصركم
>  آها
>  نجي لي شمارات والي الخرتوم
>  كان شفت يا والينا
>  طارت لينا
>  ومسخت لينا
>  وعلا صوت أنينا
>  والموية ما معقمة تمرض فينا
>  وناس الموية زادوها لينا
>  بانت.. ستة وخمسين يا والينا؟
>  ظنيتها كلونيا موصلنها لينا
سلك كهربا
ننساك كيف والكلب قال ماء الورد أرخس من مويتكم الأغلى من ماء الوجه
والى لقاء
سلك