الإثنين، 18 كانون1/ديسمبر 2017

board

سحب وإسقاط ونفي

>  الأجنبي الذي يتم منحه جنسيتنا اذا خان الوطن او تخابر مع جهات أجنبية ضد الوطن او مصالحه او سب الوطن او أساء له علناً تسحب عنه الجنسية حقتنا المنحناها ليهو دي
>  ده الأجنبي المنحناهو جنسيتنا
>  اما الوطني الجاتو جنسيتنا ومابستاهلها فحدد له القانون ايضاً حالات لإسقاط جنسيتنا عنه

>  تفتكروا زول وطني (بالقدر) يتعاون مع جهات أجنبية ضد وطننا ده ومصالح كيانه جدير تاني بالتمتع بجنسيتنا ¿
>  ولم تفضح أمره تلك الجهات الأجنبية وتصرح بأن أصدقاءهم في السودان (خجلوا يقولوا من السودانيين قالوا في السودان) هم الذين مدوهم بالمعلومات ليشتكوا المريخ ولحقوهم  بالمستندات
>  تفتكروا بشر زي ديل يحق لهم التمتع بالجنسية السودانية والتمشدق بالمواطنة والوطنية ¿
>  زي ديل وبالمنطق وعلي الطلاق باسكال سوداني يشرف السودان أكتر منهم
>  على الأقل باسكال لم يتخابر مع جهات أجنبية ضد مصالح سودانية ولم يمد العدو بمستندات ومعلومات تسندهم ضد الوطن
>  ولو كان بالمراد واليمين محقوق ما بتشنق ود اب كريق في السوق
>  بتشنقوا زي ديل
>  بتشنقوا الخونة والمارقين والمتعاملين متخابرين مع الجهات الأجنبية
>  وباسكال عنخ آمون رع سوداني يشرف جدوده فراعنة السودان لأنه ماخاين
>  يا خاااااااين
>  لما غناها الراحل المقيم زيدان غناها كده
>  ياخااااااين لاحوله الله ولاقوة الا بالله
>  أيها الناس
>  الجالية الريفرزابية بالسودان او النيجيراب في السودان لا يستحقون بقاء على ظهر أرض يقومون بخيانتها كلما سنحت لهم فرصة
>  ولكنا نغني لهم
>  سيبوا الحقد والحسد
>  وغنوا حاجة كولن كولن
>  ما شاء الله
>  بكري جاب القون
>  ما شاء الله
>  بكري جاب التاني
>  ما شاء الله ما شاء الله
>  ويييي بكري جاب التالت
>  ما شاء الله ما شاء الله
>  يا تغني كده يا حاجة
>  يا جنسيتنا وعجاج كرعينك
>  المهم
>  إحباط أدخلت فيه راية المساعد كل آمال الأمة في ترقية الأداء التحكيمي في نفق اليأس من الكرة السودانية هذا الموسم كعادتها
>  هدف صحيح لأهلي عطبرة يتم نقضه براية ظالمة ظلم الحسن والحسين حتى وإن لم تقصد الظلم
>  حتى ولو كان من يحملها هلالياً لا يشق له غبار
>  هدف اعترف بصحته الكوكي الذي بدت عليه الغضبه من دفاعه المتهالك الضعيف في التغطية
>  ولكن تم نقض الهدف وسط دهشة الكوكي والراية التي ارتفعت غصباً عنها
>  ثم سكتت الصافرة على تصفية مهارات أولاد عطبرة
>  و اختفت الكروت الملونة بالذات الحمراء منها والصيني ورفاقه يقومون بجزر مهارات أولاد عطبرة على عينك يا راجل
>  وصل الحال بنا لدرجة عدم الخجلة من أمور مخجلة للحد البعيد
>  وصدقوني لن تتطور كرتنا في ظل هذا التحكيم الغريب
>  الذي يخطئ دوماً لصالح جهة محددة
>  ولا نلوم إلا أنفسنا ومجموعة صلاح تفوز من جديد لدورة من العذاب
>  واذا لم نعمل بجد لمحاربة هذا الظلم فإن الأمر لن ينصلح
>  ولكن نخاف كارثة يتسبب فيها هذا التحكيم تعلن عن قيام الحرب العالمية التالتة والأخيرة
>  الناس ديل مابختشوا ¿
>  خليهم ديل
>  الناس ديك ما بختشوا ¿¿
>  غايتو أنا بشهد إنو الأهلة الشرفاء يخرجون من الإستاد في صمت خجول لا يريدون نصراً لا يستحقه فريقهم
>  لذا تصمت الشوارع حتى بعد النصر الإفريقي حينما يكون غير مستحق
>  أيها الناس
>  إن تنصروا الله ينصركم
>  اها
>  نجي لي شمارات والي الخرتوم
>  كان شفت يا والينا
>  السخانة تاني رجعت لينا
>  الكهربا في حالها ولا بتنستر لينا
>  وسد مروي ده اتعمل يمسك السمك ولا عشان الكهربا ما تقطع لينا ¿
>  يا حليل الدمازين الكان مكفينا
سلك كهربا

ننساك كيف والكلب قال السنة دي احتمال كبير نولد كهربا من البطاطس
والي لقاء
سلك