الخميس، 25 أيار 2017

board

برشلونة في الحتانة

>  برشلونة مشى الحتانة
>  قاعد راجي الناس المعانا
>  ناس مفروض تمشي الحتانة قبل البارسا


>  لكن تقول شنو
>  والمرحلة الجاية ما ظنيتها تكون مرحلة دكوة وشطة
>  ولعل الكاف في شكله الجديد قد شدد على روشتات التحكيم يا روشا
>  الحقنة حقنة والحبوب حبوب
>  ولعل سقوط حياتو قد اعلن وفاة كثير من الناس البعتمدوا علي المفسدين في التنافس الافريقي
>  عشان كده نتوقع تنافساً شريفاً هذه المرة ولاول مرة افريقيا
>  اسقاط الفساد يعني وضع اي زول في علبو.
>  والعلب خشوم بيوت
>  ودرجات
>  تبدأ من الصفر
>  الصفر يوضع في العلبة رقم صفر لانها المكان الانسب
>  وعلبة الساردين تصلح فقط للساردين
>  والساردين يظل ساردين مهما اضفت له من شطة

مكانه المناسب العلبة رقم وصفر >
>  ايها الناس
>  سرتني الانباء التي تحدثت عن اكتمال الاتفاق المبدئي مع مكسيم.
>  فنحن نحتاج لاحتياطي في مستوي جمال سالم
>  وان ذلك الامر يخلق تنافساً بين الحارسين يطور مستواهما ويفيد الفريق في مشواره الافريقي
>  خبطة معلم تلك التي قامت بها غرفة تسجيلات المريخ.
>  وتعتبر من التسجيلات النوعية
>  ولعل هزيمتنا للهلال الاخيرة قد سهلت عملية النقاش التي قادت للاتفاق
>  فالحرب التي تعرض لها مكسيم من الاقطاعيين في الهلال والضغط النفسي الذي عاش فيه قدمه علي طبق من ذهب لنا.
>  صفقة اتمنى ان تكلل بالنجاحات
>  فمكسيم لن ينتظر آدم يجيب التمنمية وعشرة من جوه.
>  لانه (كره ) آدم والمشغل آدم زاتو
>  المهم
>  امس كان الاحتفال بالاضاءه بتاعت التحرير
>  احتفال شرفته حكومة الولاية بقيادة والينا
>  وكان شفت يا والينا
>  في بحري من زمن التحرير اسمو استاك اول مرة كشافة تولع لينا
>  القصة انجاز
>  ويمكن يكون اعجاز
>  لأن كل الحقب لم تفكر في اضاءة استاد ببحري
>  برغم ان بحري ارض للرياضيين
>  ويكفي انها انجبت ابطالا في كل مناشط الرياضة
>  آخرهم العجب وهيثم
>  وبرغم ذلك ظلت بحري بدون استاد مؤهل وملاعب مناسبة طيلة عمرها
>  وكأنها قرية نائية تعداد سكانها ما بملي بص الوالي
>  مبروك لاهل بحري
>  وعقبال استاد بحري الاولمبي
ايها الناس >
>  اكتب في عجالة لاذهب متشرفاً بتكريم الزعيم محمد الياس بنادي المريخ
>  اثق ان التكريم سيكون في قامة الرجل السامقة
>  واتمنى الا يقصر مجلس المريخ
الوفاء لاهل العطاء وفاء >
 الناس >  أيها
>  غرزه عارف روحو بعمل في شنو
>  وفروا ليهو معيناتو
>  ونقطونا بي سكاتكم
>  واستنونا بالمطار
ايها الناس >
>  التسجيلات التكميلية يجب ان تكون نوعية متخصصة
>  ويجب ان يترك امرها الفني لاهل العلم الفني
>  ولو غرزه قال داير اسماعيل حسن ثيردباك وعدلان يوسف لاعب محور
>  ما يخصنا
>  نسجلهم ليهو لانو هو الادري
بس حكاية مدرب الحراس دي >  مابتشبه مريخنا
>  ايها الناس
>  ان تنصروا الله ينصركم
>  اها
>  نجي لي شمارات والي الخرتوم
>  كان شفت يا والينا
>  الشمس مسخنة فينا
>  حتي بالليل تتشتش فينا
>  ومافي عصير يا والينا
>  وما بناكل يسمنا يا والينا
>  ولافين زي المكنات يا والينا
>  شغلتونا بالطاقة الشمسية يا والينا وشغلتوها لينا
سلك كهربا
ننساك كيف والكلب قال شمس تظللني من الشمس… بتحب الشمس الاولي ولا التانية يا فردة؟
والى لقاء
سلك