الجمعة، 18 آب/أغسطس 2017

board

قول سمسار

>  اضاع الاهلي مدني نصرا مستحقا علي المدعوم رغم دعمه الكبير بالامس
>  ودلائل جرسة الاهله شعبا وحكومة تجلت بشدة في خواتيم المباراة
>  رميت الجمرات بدون حج

>  حجارة مطر
>  ولعل ليس المقصود بها التحكيم او اهلي مدني
>  يمكن قاصدين بيها مواسيرهم ديل
>  لان اخلاق هلال الحركة الوطنية مافيها حركات شفع بتاعت اطفال حجارة كما يحلو لخالد فوتوشوب
>  وتجلت الجرسة في الكورة الاخيرة في الدقيقه خمسين التي اخرجها الدمازين بدافع عدم الثقة في القدرات
>  والعارف عزو مستريح يا دمازين
>  كان تحاول تستلمها
>  ويخطفها المهاجم
>  ويتشربكوا فيك
>  يحملوك نتائج كيس الكوكي الفاضي
>  ايها الناس
>  الكوكي من استلم
>  يا مغلوب
>  يا درون
>  ياغالب باخطاء تحكيمية
>  ولعل التونسية الآن بتسخن في الرن وي
>  كلمناك
>  قلنا ليك ما تجيب هدومك كلها
>  بعدين يا كوكي انت ما سباك
>  مواسير كردنة دي دايره ليها سباك نادايرة مدرب
>  ايها الناس
>  الهلال بي طريقتو دي حايحرجنا في المجموعات
>  وسمعت تحت تحت قالوا الاهله في التكميلية بقوا علي تراوري وسيسيه وسيمبو
>  اي زول عندو جنسية سودانية جايبنو
>  وازيدكم من الشعر بيت
>  محمد عبد الماجد برضو عندو رقم وطني
>  سجلوهوا
>  الزول ده اخير من تيتيه الطايره ليه
>  ايها الناس
>  ضربة الجزاء التي احتسبها الحكم ضد اهلي مدني وتعادل بها الهلال
>  رأيكم فيها شنو؟
>  اسألوا صلاح احمد الساقط في الانتخابات يوريكم رأيو
>  المهم
>  والمهم جدا
>  اليوم نلتقي هلال اقصد امل عطبرة
>  يجب ان نضع في الحسبان انه امل عطبرة
>  والقصة مادايرة شرح
>  وان نضع في الحسبان ان الجماهير ملت التعثر بعد اي عثرة هلالية
>  وانها فرصة لنمضي بعيدا في روليت قطار الدوري تاركين لي ناس البوستة عربتهم وعربة الفرملة
>  وعلي البعثة الادارية ان تتشفتن وتكون حريصة علي حماية الاولاد من بطش المحرشين او المأجرين
>  فجمهور الامل ليس بالسئ
>  ولكن المأجرين المندسين وسطهم هم من يقوم بالافعال المشينة
>  لذا
>  حجر واحد نمسك فيهو قوي ومانلعب
>  وندبسوا في الشكوي بالدباسة
>  المهم
>  نهدف لنقاط عطبرة الستة
>  لنبعد عن اب كسكتة وناس اب ستة
>  دايرين ندخل المجموعات بي بال رايق
>  ايها الناس
>  مكسيم لسة شغال بي نظرية البرة الخط بره العقد
>  والمجموعات دي من برة الخط فيها كتيييير يا روشا
>  زول يهدف من قدام غرفة المخدرات تخش قون؟
>  امال لو شات من جوة غرفة المخدرات كان حصل شنو؟
>  المهم
>  رسالة لمريخاب عطبرة والدامر وبربر والفاضلاب وشندي وام الطيور وجميع مريخاب نهر النيل
>  الزعيم في ضيافتكم وحمايتكم وعندنا امانة عندكم ستة نقاط
>  ايها الناس
>  ان تنصروا الله ينصركم
>  اها
>  نجي لي شمارات والي الخرتوم
>  قالوا يا والينا
>  المصريين رجعوا صحافيينا
>  هم كان رجال مايرجعوا النيل لينا
سلك كهربا

ننساك كيف والكلب قال لو يرجعوا حسني مبارك مابرجعوا النيل
والي لقاء
سلك