الخميس، 23 تشرين2/نوفمبر 2017

board

لو قعد مع الوالي أقنع ياغالي

>  زماااااااان قلنا ليكم البقعد مع الوالي مابقوم
>  وقبل كم يوم محمد عبدالصاوي
>  أقصد محمد عبد الماجد قال كردنة أوصل بكري حداشر مليار

>  مليار بالما ولا بالجديد ياحماده؟
>  وقتها قلنا ليك بكري لو قعد مع الوالي أقنع ياغالي
>  البقعد مع الوالي بوقع طوالي
>  لأنو كلمة الوالي أضمن من كاش أي زول تاني
>  يعني الوالي لو أداك كلمة وغيرو أداك عشرة مليارات كاش
>  كلمة الوالي أصدق وأفيد وأبرك من كل تلك المليارات
>  أيها الناس
>  قبل كده قلنا ليكم
>  أيها الناس
>  العقرب عقربنا
>  واذا علم الناس بالحالة التي شارك بها بكري لنصبوا له تمثالاً على مداخل جميع كباري البلد دي
>  بكري إنسان كبير وعاقل ومخلص وواضح جداً
>  ويعلم بحب جمهور المريخ له
>  بل ويبادله حب بحب
>  بكري لم يجد نفسه إلا في المريخ
>  وسيجدد بكري قيدة بالمريخ لأن طرف التفاوض الآخر هو جمال
>  والبقعد مع جمال ما بقوم
>  وجمال لا يحتاج لمرتجم كي يستعين به عند التفاوض مع بكري
>  وبكري سوداني أصلي ما مجنس
>  والتفاهم بينو وبين جمال ساهل جداً
>  يبقى نبطل ونترك الخبز لي خبازو في طاولتو
>  والمشتري يفاوض
>  ويعلم جميع أهل المريخ إن في مثل هكذا أوقات يعمل جمال وحيداً لأنه يدفع وحيداً
>  بل يقوم حتى ببعض أعباء المكتب التنفيذي لوحده
>  عشان كده نبطل تنظير ونخلي الراجل يشيل شيلتو الشايله براهو ليهو أربعطاشر سنة
>  أيها الناس
>  الذين يشيعون بأن بكري اتصل بكردنة وقال ليهو أنا غلطت وداير أصلح غلطتي واهمون
>  حتي ولو كان مصدر الإشاعة كردنة ذاتو
>  وبكري يستطيع أن ينادي علي آدم ويقول ليهو أدي كردنة ده تمنمية وعشرين
>  فبنفس السرعة التي يطير بها طائر سيهبط اذا طار بدون تأسيس وخمة بعض الطير ساكت
>  الكلام الفوق ده قلناهو قبل كم يوم
>  لأننا نثق بالعقرب
>  ونعرف جمال جيداً
>  وقبل كل ذلك نثق بمريخنا ثقة كبيييييرة
>  أيها الناس
>  استغرب كثيراً وأنا أسمع إخوة لنا يطالبوننا بعدم مساندة اتحاد معتصم مع البوح بإعجابهم بالمدعو طارق حمزة
>  اتحاد معتصم ليس الأمثل يا ناس
>  ولكنه الأفضل حينما تكون المقارنة والمفاضلة بين اتحاد معتصم واتحاد سر الختم
>  ولكني أسألهم
>  بربكم هل تحفظون موقفاً واحداً لطارق حمزة كان الغرض منه صالح المريخ او مصلحة رئيس المريخ؟
>  وهل نسيتم مواقف طارق حمزة تجاه المريخ او رئيسه كانت سبباً أساسياً في اتخاذ معظم جماهير المريخ لموقف ووجهة نظر تجاه حزب طارق حمزة هذا؟
>  العلاقة بين معظم جماهير المريخ وحزب طارق حمزة شكلها طارق حمزة بتلك المواقف
>  والخاسر ليس الشركة فحسب،
>  بل من تموله الشركة بأرباحها هو الخاسر الأكبر
>  ولكن لن يخسر المريخ شيئاً
>  المهم
>  شكراً والي الجمال
>  شكراً عقرب النزال
>  شكراً مجلسنا
>  شكراً جمهورنا
>  وقبلهم أجمعين
>  الشكر لله رب العالمين
>  أيها الناس
>  موقعة النجم موقعة تحمل في باطنها نسبة كبيرة من أسباب تأهلنا للمرحلة المقبلة بحول الله
>  هي موقعة جل أسلحتنا فيها هي الجماهير
>  والشفوت وقياداتهم يعدون للموقعة كامل عتادها
>  يوم قرر الشفوت أن يكون لونه أحمر من الصباح
>  الشوارع والمنازل والسيارات
>  وحتى الشجر والشجن والخيل والهجن
>  كل شيء لازم يكون أحمر
>  حتي عيون المها اليوم داك تبقى حمراء
>  تحمر لي ضلها
>  قادة المدرجات يقومون بالتخطيط والتنسيق
>  وعلي الشفوت الاستعداد لتنفيذ تلك الخطط بمنتهى الحرفية
>  ولنهدف لدخل يبلغ اتنين مليار مشاركة منا لوالي الجمال في نفقات المرحلة
>  شفوت صفا
>  اييييييينتباه
>  باليمين ( المبروكة)  تقدم للأمام معتدل مارش
>  أيها الناس
>  إن تنصروا الله ينصركم
>  آها
>  نجي لي شمارات والي الخرتوم
>  والينا
>  الشهادة عندنا الوزارة تدينا؟
>  شهادة لا إله إلا الله محمد رسول الله المرسل فينا ولينا
>  وشهادة وارد يا والينا
>  وشهادة دون أدنى مسؤولية على الطلع الشهادة لينا
>  والشهادة لله بعنوان تعبنا يا والينا
>  دحين بكل الشهادات دي ماعندك وزارة لينا؟
سلك كهربا
ننساك كيف والكلب قال زمان لما تتقرضم بقولوا ليك فك زرارة ...أسي كان اتقرضمت بقولوا ليك فك وزارة .. والغريبة بتفك..أنبح العمر كلو وأعرف ترامب بجيب الصنف ده من وين
والي لقاء
سلك

الأعمدة

خالد كسلا

الأربعاء، 22 تشرين2/نوفمبر 2017

الصادق الرزيقي

الأربعاء، 22 تشرين2/نوفمبر 2017

عبدالمحمود الكرنكي

الأربعاء، 22 تشرين2/نوفمبر 2017

كمال عوض

الأربعاء، 22 تشرين2/نوفمبر 2017

خالد كسلا

الثلاثاء، 21 تشرين2/نوفمبر 2017

الصادق الرزيقي

الثلاثاء، 21 تشرين2/نوفمبر 2017

إسحق فضل الله

الثلاثاء، 21 تشرين2/نوفمبر 2017