الثلاثاء، 17 تشرين1/أكتوير 2017

board

التش والصفر والحبش

>  اكتب قبل قرار الخرطوم الوطني حول اطلاق سراح اولادنا
>  اسبوع نحنا في قاموا وقعدوا اجتمعوا وانفضوا
>  ليس بالغريب تمسك فريق بلاعبيه

>  ولكن الغريب تسريب محاور ومناقشات المداولات لمنسوبي فريق تالت لاعلاقة له بالمفاوضات
>  والاغرب من كده هو اسراع الخرطوم الوطني في اطلاق سراح من يطلبه الهلال من لاعبيه
>  في دي عملتوها ظاااهرة يا ناس الخرطوم
>  كتاب الله مابناباهو لكن الفيكم اتعرفت
>  كنا نظن انكم فريق كبير لانادي تابع
>  بالذات بعد ان اصبح الراعي لناديكم هو الامن الوطني
>   فكلما غيره الامن فيكم هو الاسم
>  من الخرطوم تلاته للخرطوم الوطني
>  لكن حركاتكم الزمان ماغير فيها شئ
>  ولعل السبب قد يكون هو نفسه السبب الذي كره المريخاب في طارق حمزه وسوداني وامانة الشباب
>  والآن الكره اصبح اكبر من امانة الشباب
>  وطالما اخترتم للمريخاب مربع المعارضة جبرا
>  ابقوا قدرها
>  فالمريخ وطن والمساس بالوطن يجعل الروح تهون في سبيله ويجعل واجب الحماية فرض عين
>  المهم
>  زمااان زمن نميري
>  بدري الكلام ده
>  عملوا كشات للاجانب اللاجئين
>  وطبعا الوكت داك الاجانب يا يامانيه يا حبش
>  ناس ابو يمن ماكان في زول بهبشهم
>  الكشة كانت حبش بس
>  الحبش عرفوها
>  اولاد بحر دار ومفتحين
>  وقعوا ليك عراريق وسراويل  ومراكيب
>  وفيهم شفوت اتشلخوا كمان
>  اها كمان البوليس برضو مفتح
>  بقي ينادي ليك الزول في الشارع بي عراقيهو وسروالو وشلوخو
>  يقول ليهو قول حصاحيصا
>  لو حبشي طبعا كان لبس السروال في لسانو ما بقدر يقول حصاحيصا
>  ويقعد يبرطم
>  ويلغلغ
>  العساكر يجدعوهوا ليك فوق لمن شلوخو تطير
>  لو داير تفرز الحبشي
>  بس قول ليهو قول حصاحيصا
>  ولو داير تفرز زنطورابي
>  بس قول ليهو قول صفر
>  كان قال ليك آآه
>  قلت شنو
>  صصصص
>  ص شنو
>  وبلع ريقو
>  اعرفو زنطورابي صفرابي كبير
>  عشان كده لو دخلوا معانا كورتنا بتاعت النجم
>  بنفرزهم
>  لما نقول المطار بي وين
>  الصفر بي وين
>  صفرهم معقدهم وخالي وشوشهم قدر السمسمه
>  ايها الناس
>  مايقوم به الوالي يعجز الناس عن وصفه
>  هذا الرجل يحتاج لقول وصفقه
>  قول يشيد بمجهوداته
>  وصفقه تعبر عن الاعجاب به. التقدير لجهوده والوفاء له
>  من اي طين خلقت انت يارجل??
>  من اي معدن صنعت انت يا اخي? ?
>  من اي بستان قطفناك فعشقناك وهويناك حد الثماله! !!
>  المهم
>  الشفوت يعدون عتاد الحرب بصورة جيدة
>  الاولتراسات شفوت المدرجات سيتحفونا بابداعهم كالعادة
>  الجسم التسيقي للروابط التشجيعيه يعمل تحت شعار ماينوم
>  روابط الولايات جهزت بصاتها
>  وجنود المدرجات من المشجعين الميري والمشاه جهزوا شيرتاتهم وكاباتهم واعلامهم وراياتهم وحناجرهم مصانع النصر الكبير
>  ايها الناس
>  ان تنصروا الله ينصركم
>  اها
>  نجي لي شمارات والي الخرتوم
>  كان شفت يا والينا
>  المطرة بتتاوق لينا
>  متردده تجينا ولا ماتجينا
>  حفرنا خيراننا ولابرضك نتوقع طينا
>  الخريف حايفاجئنا زي كلو سنة يا والينا ??
>  وكم مسعول وكم كسار تلج تكفكف بناطلينا
>  ويخوضوا الموية يتصوروا لينا
>  والتصريح سعادته يتفقد فينا
>  ولا الحال اتغير يا والينا?
سلك كهربا
ننساك كيف والكلب قال مابسووا شئ ويحلفوا انها نزلت من السما بي طينا
والي لقاء
سلك

الأعمدة