الإثنين، 21 آب/أغسطس 2017

board

حايتسحروا بيكم ياروشا

>  بعون الله وحفظه يفترض أن تكون بعثتنا قد غادرت لموزمبيق
>  سبقها حاتم عبد الغفار للتجهيز والإعداد لإقامة مثالية تأسيساً لنصر من خارج الأرض يعوض الخسارة بين الجمهور
>  ولعل البعثة تعلم جيداً أن الطريق لموزمبيق طريق لاتجاه واحد فقط

>  والطريق الاتجاه الواحد مخالفة السير فيه بعكس الاتجاه بتودي الحوش وتحجز العربية
>  والعربية اذا تم حجزها بلاوي كتيرة بتظهر
>  ناس رقم الشاسيه ما مطابق
>  والحكاية دي بتدخل ناس المكافحة
>  وناس المكافحة برجعونا لي شهادة الوارد والإجراءات الزي دي
>  لذا ولكل ذلك حقو نحترم قواعد السير في الطريق الاتجاه الواحد ونمشي فيهو بحذر وحيطة حتى نتجاوزه لندخل الشارع الكبير بثقة لنواصل مسيرة السفر التي نفترض أن تطول حتى آخر موانئ الوصول
>  فطموح الجماهير هو المحطة الأخيرة
>  وهكذا يجب أن يكون طموح الجهاز الفني والقطاع الإداري و طموح الأولاد
>  أيها الناس
>  الخسارة على أرضنا كارثة
>  ولكنها ليست آخر المحطات
>  او هكذا يجب أن يكون التعامل معها
>  النجم فريق كبير وجاهز نعم
>  ولكن فيروفيارو ليس كذلك
>  وبرغم أن النجم كبير المريخ أيضاً كبير
>  وإن كان لقاء ام درمان لم يكن في يومنا
>  فلا يوجد ما يمنع أن نكون في يومنا بسوسة
>  علي أقل تقدير يمكننا العودة من سوسة بنقطة
>  ولكن كل ذلك المشوار ضربة بدايته نقاط موزمبيق التلاتة
>  فهل نطمح في أولادنا لتحقيقها نقطة نقطة حتى يذهب ظمأ خسارة ام درمان وتبتل العروق استعداداً لنزال نثبت فيه جدارتنا ونتوج جهود الريس الكبيرة والكثيرة بالصعود لمرحلة جديدة من التنافس الافريقي ؟
>  ايها الناس
>  ننافس أنفسنا لخطف بطاقة التأهل
>  لأن فيرو فيارو وصفروصفارو ليس لهم ما ينافسان به من أجل الصعود برفقة النجم
>  ننافس أنفسنا اذا هدفنا للصعود نستطيع واذا استهترنا تكون أنفسنا قد هزمتنا وحرمتنا التأهل لنتيح الفرصة لفيرو او صفرو لمرافقة النجم بخمس نقاط فقط
>  نسأل الله التوفيق لأولادنا
>  ونوصي الجهاز الإداري المرافق ببث روح الحماس بين الأولاد وخلق جو صحي يؤهلنا لتقديم عرض نكسب به نقاط فيروفيارو
>  كما نوصيه بتهيئة الجو الصحي والمعافى للجهاز الفني ليعمل بي روقة من أجل نصر ننسبه للجهاز الإداري المرافق قبل اللاعبين
>  المهم
>  الجماعة ماشين تونس
>  الواحدة إلا ربعاً مواعيد مباراتهم
>  التوانسة حايتسحروا كوارع خلي بالك
>  ناوين يشربوا الشوربة شيييييييييت
>  ويقرمشوا الوطاية
>  ولكن نريد فتوى فقهية يا روشا
>  ما حكم صيام الزول لو اتسحروا بيهو؟
>  يصوم ولا ينوم ويعمل على سفر
>  حاتشوفوا المسحراتي التونسي ياروشا
>  قالوا المسحراتي التونسي يا روشا
>  طوييييييل
>  وعيونو حمممممر
>  وسنونو كبااااااار
>  وبياكل الناس حييين
>  بشيل معاهو خمسة دلاليك
>  ومن واحدة إلا ربع ببدا ليك
>  ادق دوق
>  دنق ديش
>  وكبتك كبتك كبتك
>  واحدة وربع بكونأ كدرين من حلة الكوارع تبعو
>  مسحراتي نعم ..لكن برضك بتسحر
>  الزول ده بسحر سوسه كلها
>  وبالمناسبة سوسة كلها نجم
>  لافيها ترجي ولا فيها بنزرتي ولا فيها زنطور
>  وناس سوسة بحبو السحور بالزنطور وشوربة الكوارع
>  ناس أب ستة ديل قادين عربي
>  إلا تدبلوا ليهم الشنكارات يا روشا
>  بي كوارعهم ديل بتتلهطوا بدري
>  قبل السحور شوربتهم بتطلع
>  لكن الواجعني كيس الكوكي الحايطير في البحر
>  سوسة ساحلية ياروشا
>  الكيس البطير فيها بقع البحر طوالي
>  جمبللللللللق
>  المهم
>  أخبار عن وصول أطقم ومعدات وأدوات من فرنسا للمريخ
>  لله درك يا جمال
>  أباذر هذا الزمان
>  يهم لوحده
>  يسجل لوحده
>  يحل المشاكل لوحده
>  يدفع لوحده
>  ويتحمل التبعات لوحده
>  بس للحج مابمشي لوحده
>  بملي الطيارة توف و يمشي الحج
>  اللهم بارك لهذا الرجل في ماله وعياله واتمم علي اسرتة نعمة الشفاء يا كريم بجاه نبينا المصطفي وبفضل بركات هذا الشهر الفضيل
>  أيها الناس
>  إن تنصروا الله ينصركم
>  آها
>  نجي لي شمارات والي الخرطوم
>  كان شفت يا والينا
>  السنة دي البحضر أغاني بعاني
>  بشتنه لأغنيات خالدات وقتل لأصحابها تاني
>  في ناس كده
>  حقو يمسكوا في ناس بحري وحرامي القلوب الجاني
>  ويخلوا الغنا العاش أجيال وما بقدر يعيش تاني
سلك كهربا
ننساك كيف والكلب قال الحبيب شكر الله لما غني من غير ميعاد ما كان عارف إنو سمح الغنا في خشيم سيدو؟
قلت لي بحري شنو !!!!
والي لقاء
سلك