الأربعاء، 22 تشرين2/نوفمبر 2017

board

سقطت الامطار وسقطت الخرطوم

>  بيان لجماهير الهلال يحتاج لبيان من جماهير الهلال
>  بيان اوضح جليا ان صديقي عماد الطيب يعيش ضغطا ذهنيا وزحمة تحتاج لغربال كبييير يغربل الفارغه ويفرزها من المقدودة ويخت الصالحه بي جاي والطالحه بهناك

>  بيان موجه لجماهير الهلال يحتاج لبيان توجهه جماهير الهلال لمجلس الهلال
>  لانو يا عمدة بي طريقتكم دي جماهير الهلال لو ما اصدرت بيان حاتوريكم بيان بالعمل
>  معقولة يا عمدة انتوا قيادات الهلال تقولوا الهلال هو المنح السودان فرصة المشاركة بي اربعة فرق في المنافسات الافريقية؟
>  وبي صفركم ده منحتوا السودان تلك الفرصة؟
>  حالتكم القيادات؟
>  ده كلام القواعد من الرجال مابتقولوهوا ولا القواعد من النساء
>  لانو كلام غير مؤسس طبعا
>  ولكن اظنها الغربلة التي كومت دراب الكلام مع ورتاب التاريخ وغبار الصفر الكبير
>  معقولة يا عمدة وانتوا قيادات الهلال تقولوا ناس معتصم استأجروا مقر كمكاتب عشان يخدموا المريخ؟
>  معقولة ياعمده؟
>  والقصة دي مزعلاكم؟
>  معقولة يا عمدة و انتوا قيادات للهلال تقولوا اتحاد معتصم هو من اخرج الهلال من بطولة افريقيا 2015 ؟
>  ياقيادات
>  القواعد تعلم وراعي الضان في الخلا يعلم انكم في 2015 كنتوا طيش دور الاربعة بهزيمتكم من اتحاد الجزائر جوه استادكم بنتيجة سبحان الله هي نفس نتيجة هزيمتكم في الموقعة الاخيرة
>  موقعة غربلاء
 >  وخرجتم من دور الاربعة بنقطة نتيجة تعادلكم مع اتحاد الجزائر بالجزائر
>  يا اب نقطة
>  ياطيش دور الاربعة 2015
>  انه فعلا بيان لجماهير الهلال يحتاج لبيان من جماهير الهلال
>  وقال الشاعر اكرم زكي
>  نجمة نجمة الليل نعدو
>  و نقطة نقطة القطره بدو
 >  في امتحان افريقيا طيشن
>  و الشهادة قاعد تقدو
>  قرن الا بدون بطولة
>  وقرن قادم استعدوا
>  محمد عبد الماجد
>  لسة النفس طالع ونازل؟
>  ايها الناس
>  لا بناكل الضعيفه ولا بنسولب المسكين
>  نغلب تونس ونصعد خدمة يمين وعرق جبين
>  لا بننتظر صدفه
>  ولا بنرجي عاطل
>  ففاقد الشئ لا يعطيه
>  واخوتنا الاهله بقوا زي زيدان الكسلان
>  كلو سنة يطلقوا العنان للاماني
>  عمك زيدان الكسلان
>  كلو موسم يجي يقيف جمب الارض مادي دقينتو ويعاين
>  يؤشر اثناء الكلام بي دقينتو
>  بكره احش هنااااااك
>  ويتلفت شمال
>  يمد دقينتو
>  بعد بكره ازرع هنوووووك
>  ويمضي الموسم الزراعي وزيدان لازرع لاكودب
>  ويخرج من الموسم بمحصول صفر
>  و نقطة لا يتوقف عندها زيدان الكسلان
>  فتصبح نقطة صفر جديد
>  وده حال اخوتنا الاهله
>  بس زيدان الكسلان ماكان بطلع بيان
>  كان علي الاقل بخجل من موقفو
>  وكيف مع الآلام حرف اللام ؟
>  ايها الناس
>  ان تنصروا الله ينصركم
>  اها
>  نجي لي شمارات والي الخرطوم
>  كان شفت يا والينا
>  سقطت الامطار والخرطوم و الهلال
>  الهلال اول طار
>  جا غبار
>  سقطت الامطار
>  ثم سقطت الخرطوم يا والينا
سلك كهربا
ننساك كيف والكلب قال دايما الامطار والخرطوم بسقطن سوا
والي لقاء
سلك

الأعمدة