الأربعاء، 22 تشرين2/نوفمبر 2017

board

سيادة وطن

>  عجبي من المفارقات في بلدي
>  عجبي من تناقضات وطني
>  وعجبي من العجب العجاب

>  قدر أراد شقاءنا .. لا انت شئت ولا أنا
>  ولكن طال أمد الشقاء في أطول امتحان رباني على الصبر
>  ايها الناس
>  أحكي ليكم عن الجواز الأمريكي
>  شقيقي حاتم سلك اللاعب الدولي بمنتخب السودان لكرة السلة
>  واحد من الناس الجابوا للبلد ميداليات دولية لما البلد كانت بتحترم الرياضة ومناشطها شغاله لأنو الرياضة في الوكت داك كان بديرها أهلها لا المتلبطين فيها
>  ومشى أمريكا بي حقو كلاعب سلة
>  وعندو الجواز الامريكي (بي حقو)
>  حاتم سلك هلالابي
>  من الأهلة الشرفاء
>  أرسل لي رسالة صوتية يقول فيها
>  ما حدث سقطة
>  و السقوط متوقع لان الرياضة يديرها ويقرر فيها من لا يفهم فيها الواو الضكر
>  كل مقومات إدارة الرياضة في البلد هي التمكين
>  يعوسوا فيها زي ما دايرين
>  ناسين رب العرش المتين
>  وقال السقطة مؤامرة مخطط لها بحسب الولاء الضيق والتعصب الأعمى
>  و فرصة المريخ كانت كبيرة في التتويج لان فريقه جيد ومدربه قدير وعنصر الشباب في الفريق كتير
>  ويا دوبك المريخ دخل الفورمة
>  لذا تآمر عليه اهل الانتماء الضيق
>  و فرصة هلال الابيض كانت كبيرة
>  ولكن اهل المنظور الضيق يرون ان هلال الابيض اذا حقق البطولة قبلهم سيحرجهم كثيراً
>  لذا ضربوا بمصلحة الوطن عرض الحائط
>  واضاف قائلاً ان الديربي لو كان في مصلحة الهلال لتغير الحال
>  ووصف اطراف المؤامرة بالمحسوبين على الهلال
>  لأن الاهلة الشرفاء الذين ينتمون للهلال عشقاً كرياضيين لايستغلون التمكين في محاربة مصالح الوطن والعباد
>  وقال كان الاجدر بهم الاعتراف بخروج الهلال لضعف المستوى والعمل على اعادة بناء الفريق
>  ايها الناس
>  ده كلام زول هلالابي عندو جواز امريكي
>  فهل امريكا عندها نوعين من الجوازات توزعها على الناس حسب الفهم؟
>  ايها الناس
>  ما دايرنها تتحل دايرين نتحل
>  ايها الناس
>  المسؤول لما يحرص على جواز اجنبي
>  القصة دي ساكت عبط
>  ولا مراقه من السيك في زمن الاسنافيك؟
>  نظام فراري وكده !
>  طيب يوم يفر المرء من كل الحواليهو
>  اليوم داك الجواز الأجنبي برضو بخارجك؟!
>  أيها الناس
>  ما دايرنها تتحل دايرين نتحل
>  المهم
>  ضاعت حقوق المريخ
>  لا تسوية بتعوضنا
>  ولا التاريخ برجع ورا
>  فهل ندفع التمن صمتاً
>  ام صمتنا ثمناً لحقوقنا؟
>  ايها الناس
>  للصبر حدود
>  والبفوت حدو بتقلب لي ضدو
>  فهل لا زلنا نمارس الأيوبية ام لنا رأي !!!
>  أيها الناس
>  من يهن يسهل الهوان عليه
>  أيها الناس
>  إن تنصروا الله ينصركم
>  آها
>  نجي لي شمارات والي الخرتوم
>  سمعت يا والينا
>  قالوا وزير العدل شنو قال لينا
>  قال سيادة دولة يا والينا
سلك كهربا
ننساك كيف والكلب قال ما دايرنها تتحل دايرين نتحل
والي لقاء
سلك

الأعمدة