الثلاثاء، 17 تشرين1/أكتوير 2017

board

تلاتة في واحد

>  أياً كان قرار الكاف
>  هل يستوي الذين طاروا قبل التجميد والذين طاروا بفعل التجميد ؟
>  يا ابني العب بعيد

>  فالبموت فطيس لا يقارن بالشهيد
>  ايها الناس
>  يحسب لنا اننا لم ننهر من قرار التجميد الذي صدر من الفيفا بفعل فاعل عندنا دواخلو ما نضيفة
>  برغم كل ما حدث
>  معنويات الاولاد في السماء
>  وميدو الجاب تجميدو حالف اي هلال يقابلو يديهو المعلوم جوز
>  يبقى سجم خشم الهلال السعودي الحايقابلنا في الاسكندرية
>  وعلي الحاقدين البحث عن مبررات لخسارة زنطور السعودية مننا في الاسكندرية
>  ايها الناس
>  برغم كل ما حدث نجد مجلسنا شغال في الصامت
>  الزناطير في وضع الطيران لي مستواهم المتواضع
>  مجلسنا في وضع صامت لي شنوووو؟
>  المهم
>  مهما تآمروا لن يغيروا من تاريخنا شيئاً
>  ولن يغيروا من تاريخهم الصفري
>  ولن يتغيروا لواحد صحيح
>  زمن ذاتو للتغيير مافي
>  القيامة قررربت
>  ومهما هم تآمروا لن يعرقلوا مسيرة الزعيم ولن يغيروا في مستقبله المشرق شيئاً
>  كرهتوا الاهلة الهلال ذاتو
>  والله في هلالاب متمنين ناس تجارة الاعضاء يخطفوهم يبيعوا فشافيشهم كان ينفشوا شوية
>  لكن ناس تجارة الاعضاء ما ظنيتهم بشتغلوا في الخرد
>  بشتغلوا سكند هاند ممكن
>  بس نضيف واستعمال خفيف
>  لكن ناس فشافيشهم هاريها الصفر
>  وقلوبهم مورمها الفشل
>  وكلاويهم مصابة بمغص وفشل سيكافا
>  وعقولهم طشت
>  زي ديل لو ركبوا كريز تجارة الاعضاء
>  تجار الاعضاء بنزلوا ويجروا
 >  البركبهم مع المحن شنو عاد !!!
>  روشا
>  لسة مستمتعين بالفرجة علي جابسون في الكنبة؟
>  امس قالوا لي تداعي في جابسون كنبة سااااي
>  قالوا قلت اريتو بي كنبة كريز تجارة الاعضاء
 >  عشان تاني لما نقول ليكم مصاب تصدقوا
>  ولما نقول ليكم انتوا صفر ساااي
>  تبطلوا مكابرة وكضب والكنغو وكده
>  المهم
>  كردنة بالغ
>  عمل من استاد الهلال تلاته في واحد
>  ملعب الجوهرة بصلح لي تلاته مناشط
>  كرة قدم
>  ورن وي بتاع مطار لاي زول داير يطير
>  واخيرا حلبة ملاكمة عالمية
>  فيها كسر زي الكسر
>  دق الدلجة يا محمد عبد الماجد
>  ولا دق الفلجة؟
>  هو جنس دق
>  اسكت بس
>  زول تلب من الطابق التالت
>  ما يدق ليهو شوية عيال يا كاردينال !!!
>  ايها الناس
>  خلونا من الطائر بلاجنحين
>  في البطولة العربية سيظهر الزعيم بمظهر البطل
>  امسكوا الخشب
>  لانو السماني والغربال والعقرب ما بتمسكوا
>  امسكوا الخشب بس ونقطونا بي سكاتكم
>  وامسكوا شيبوب ما يعوق ليهو زول
>  اها
>  نجي لي شمارات والي الخرتوم
>  كان شفت يا والينا
>  واحد مجنون قال لينا
>  لو جبنا بدل التاتشر تركتر
>  كان سوداننا بقي انضر
>  وكان واحدنا جاب عشرة من الاخضر
>  موش واحد وعشرين الف مننا قصاد واحد من الاخضر
 >   شيبوب ده شاف دكاكين الريحه وعمل ليكم دق الريحه اظنو
>  الزول ده لو فتحوا جمبكم سوق طواقي بدق ليكم كسكتة
>  فطومة اختي
>  صلحي الطرحه شيبوب ما يشوفها كسكتة كمان
>  ايها الناس
>  رزق المريخي الغيور محمد احمد (التقي ) بفارس يضاف لفوارس ابو قوته اطلق عليه حسام
>  وحسام حا يضايق محمد آدم في الطرف الشمال
>  شد حيلك يا التقي ولحقنا طرف يمين يريح رمضان ده شوية
>  ايها الناس
>  ان تنصروا الله ينصركم
سلك كهربا
ننساك كيف والكلب قال خذوا الحكمة من افواه المجانين
والى لقاء
سلك

الأعمدة