الثلاثاء، 17 تشرين1/أكتوير 2017

board

ميدو لعب الناس ليدو

>  بدأت بطولة العرب
>  يشارك فيها السودان بزعيمه الاوحد وسيد الكرة فيه
>  يشارك السودان بالواحد الصحيح بعد ان شارك بالاصفار ردحاً من الزمان

>  ولم يجلبوا له وقتها غير عار القبض بالمنشطات بالثابتة
>  دائماً الاصفار بتجيب لينا الكلام
>  الصفر حرج في نفسو.
>  يعني اسي في اي مباراة دولية يكون طرفها الزعيم
>  تلقى المذيع بتحدث عن مانديلا وسيكافات ودبي.
>  ولما يكون طرفها الزنطور ما عندو كلام غير السودان اسس الاتحاد الافريقي
>  يقول شنو عاد !
>  يكضب؟
 >  واذكر المعلق الذي تحدث في مباراة المريخ ليس طرفاً فيها
>  تحدث عن نادي الشعب في السعودية
>  ونادي الشعب في مصر
>  ونادي الشعب في اسبانيا
>  ونادي الشعب في المانيا
>  ولما جاء للسودان
>  قال طبعاً المريخ هو نادي الشعب في السودان
>  معلق مثقف ومتابع
>  عارف الرقم من الصفر
>  واذكر مرة معلق على مباراة دولية كبيرة
>  ميسي جاء بحركة مهارية مدهشة
>  فما كان من المعلق الا ان ابدى دهشته للمهارة وقال ميسي بذكرنا بفيصل عجب لاعب المريخ السوداني
>  ما قال فيصل عجب بذكرنا بميسي
>  لأن وجه الشبه يجب ان يكون بالمشبه به اقوى من المشبه
>  لذا شبه ميسي بالعجب ولم يشبه العجب بميسي
 >  المهم
>  بدأت البطولة العربية
>  حضر الزعيم والاهلي القاهري والزمالك والهلال السعودي والترجي التونسي وغيرهم من الكبار
>  حتي وحدة الامارات جات
>  نصر حسين داي حضر
>  جوا يلعبوا كورة
>  الا الزناطير
>  لا مكان لهم
>  الهلال السوداني وزينة الموريتاني ومارين الصومالي
>  لا مكان في بطولة العرب للزناطير والصغار والاصفار
>  ده كلو من ميدو
>  عمل على تجميدو
>  وخلي الناس بالموبايل تلعب الليدو
>  فطومة اختي
>  هاك اليك ده
>  روشا ورمضان وخالدونا
>  ستة ما بتجيكم
>  كلابكم في بيوتها لما فطومة تفورها فيكم
 >  كل من ميدو لعبكم الليدو
 >  ايها الناس
>  قرار الحبيب مزمل بالاستقالة حال قبول المريخ المشاركة في بطولة تديرها اللجنة المشتركة التي يتألف اعضاؤها من الذين تسببوا في ابعادنا افريقيا
>  هو قرار صحيح وجريء وشجاع
>  ولم استغربه من الحبيب مزمل
>  لانو مزمل ما بحب وضع الصامت
>  ومابقدر يتأقلم عليهو
>  نحنا كيان كبييييييير
>  يهابنا الناس ولا نهابهم
>  يحاولن ارضاءنا ولا نبحث عن ما يرضيهم
>  نخرتنا في السما
>  والرهيفة عندنا ما بتنقد
>  لانو رهيفتنا اسمك من لوح الصاج مية ملي
>  ولكن نستطيع تخريم رهيفة الناس حتي تصبح غربالاً يمر من خلاله الناعم ويقعد الخشن فوق ونكشحوا شووووو
>  ولاننا دولة قانون يجب ان يرفع المريخ امره للفيفا
>  لتستقيم الامور عندنا
 >  ايها الناس
>  مشاركة المريخ في اية منافسة تديرها اللجنة المشتركة تعني اعلان الخضوع وعدم الموضوع
>  وللمريخ حق رفع الأمر برمته للفيفا من جديد
>  ما يكضب
>  يقول الحقيقة
>  يقول يا فيفا في ناس عندنا هنا عاملة حريفة
>  ختوا ليكم معتصم في الواجهة وملوا مباني الاتحاد ولم يخلوها حسب توجيهاتك
>  وقالوا الفيفا رهيفة
>  فلتنقد الرهيفة
>  ممكن المريخ يوصل ده كلو للفيفا
>  ليس تطبيقاً لقاعدة عليا وعلى اعدائي
>  ولكن سعياً لتصحيح الاوضاع في بلدنا دي
>  الالتفاف على القوانين هو في حقيقته خرق للقوانين
>  ودولة القانون تلتف حول القانون لتحميه لا تلتف على القانون لتهدره
 >  كلو من ميدو لعبكم الليدو
>  ايها الناس
>  لا خوف على قلعة شيكان من مازيمبي
>  فكل اسباب عبور مازيمبي تتوفر لاولاد التبلدي
>  ادارة قوية وراعي شفت ومدرب شاطر ولاعبين يقدرون الشعار والجماهير وجمهور ينتمي بفخر لفريقه
>  وما بعيد عليهم احراز البطولة
>  واتمنى لهم ذلك
>  عشان يكونوا تاني فريق سوداني يسجل اسمه علي لوح الشرف الافريقي
>  وتبقى الزناطير زناطير
>  وعلى بيت المال والزهرة والمهدية والهلال والسروراب وشلعوها براهم والسهم اربجي وعلم ايد الحد والنضال الجنيد وكفاح البركس
>  عليهم كلهم ان يضعوا المريخ مثلاً اعلى لهم ويعملوا على اللحاق به على لوح الشرف الافريقي
>  كفاهم زنطرة ولعب ليدو
>  محاسن جيبي الموبايل نلعب ليدو
 >  ايها الناس
>  اكتملت استعدادات الزعيم لبطولة العرب
>  الفضل يعود للريس الذي وفر كل المتطلبات
>  والاولاد هدفهم البطولة ليعوضوا خروج الدسائس والمؤامرات انتقاماً لانفسهم ووفاءً لقائدهم واهداءً لجمهورهم
>  نأمل في مريخ يتأهل من مباراته الثانية
>  ليزداد العطالة وجوداً حول قيم الليدو
>  المهم
>  هل فعلا تريد الدولة كردنة رئيساً للهلال؟
>  وان كان الأمر كذلك
>  هل يكون ذلك برغم القوانين واللوائح.
>  ام باتباع القوانين واللوائح؟
>  وليييييه؟؟
>  ما محتاج (سند) يا كردنة
>  ايها الناس
>  ان تنصروا الله ينصركم
>  اها
>  نجي لي شمارات والي الخرتوم
>  نحنا نمنا يا والينا
>  كان وصل تلتين ما تقول لينا
>  ولما يصل خمسين صحينا
>  عشان نتخارج يا والينا
>  الآخرة تلمنا وترأف بينا
سلك كهربا
ننساك كيف والكلب قال يا دوبكم دايرين تنوموا يا اهل الكهف… جبتوا لي الكلام… الناس قايلني كلبهم.
والى لقاء
سلك

الأعمدة