الأربعاء، 13 كانون1/ديسمبر 2017

board

ماتت حروف اللقيا

>  من إيجابيات مريخ 2017 ان فريق الكرة اصبح يضم في كشفه عدداً كبيراً من اللاعبين صغار السن اصحاب الموهبة
>  الحارسان عصام والنيل ومحمد آدم والنعسان والمبدع التش وميدو والتكت و ابراهيم جعفر ومحمد الرشيد وحقار (معار )
>  ديل كلهم اعمار صغيرة ومواهب كبيرة تستطيع العطاء لسنين طويلة

>  فقط اذا تم اعدادهم بواسطة جهاز فني كبير وفاهم ومستقر
>  مستقر دي استقرت بالتأكيد كالسهم في قلوب البعض الذين لايرون في الاستقرار شيئا جميلا
>  و عندهم رأي
>  نضيف لي الصغار ديك خبرات في عمر متوسط ومواهب اخدت حظها من الاحتكاك الدولي
>  وهم رمضان وامير بالإضافة الي الخبرة المعتقة والنشاط الدائم المتمثل في العقرب
 >  خبرة الحراسة في جمال سالم
>  ولكن اظن ان شهر العسل بيننا وبينه في خواتيمه
>  باقي في مؤشرات تؤكد ان مراكز القوي ختتو في راسها
>  هو وجهازو الفني
>  ولكن الامل في صوت العقل كبير
>  وصوت العقل هو صوت الجماهير
>  والجماهير قالت غرزة مدربي وجمال حارسي
>  باختصار
>  في ظل توفر المواهب الشبابية و الخبرات متوسطة العمر وتلك المعتقة تحت مظلة جهاز فني خبير
>  وفي ظل مجلس يتمتع بالوعي ويقوم بسد النقص في الخانات حسب توجيهات الجهاز الفني بشرط الاقتناع بان الأجنبي يجب أن يكون إضافة حقيقية
>  يعني محترف أجنبي واحد مهول أفضل من ستة من ابو تلاتة بي الف
 >  ايها الناس
>  كلو ما لبننا يقرب يفور غازنا يقطع
>  ومابنستفيد من ذلك بل نبكي علي لبننا القطع وباظ
>  والمرة البعدها مابنجهز غاز كفاية
>  لاننا ما استفدنا من التجربة الفاتت
>  واول من اللبن يقرب يفور
>  الغاز تاني يقطع
>  و اللبن يقطع
>  يبقى روب
>  وتاتي نبكي على اللبن القطع
 >  المرة دي حقو نوفر الغاز الكافي
>  ونقيف جمب اللبن عشان لما يفور ما يتكشح ونبكي المرة دي علي اللبن المكشوح
>  الرقابة لازم تكون شديدة ولصيقه ومنتجه
 >  هرمنا من البناء من جديد كلو سنة
>  اها
>  مجلسنا لسه في الصامت
>  قلنا يمكن الجرس مزعج والمجلس مشغول مع البطولة العربية الاهلاوية المصرية المتحدة
>  البطولة انتهت كما خطط لها اهلها
>  الصامت تاني لي شنو ?
>  ولا مجلسنا ساكت فوق راي؟
>  حرام فريق زي حقنا ده يوقف نشاطه
>  ولكن كمان حرام ان يذل المريخ ويهان للدرجة دي
>  لان الجماهير تنتظر قرار المجلس
>  وهو القرار الذي تحلم به
>  لا تنافس في ظل اتحاد فيهو ريحة ساي لي زول من اصحاب المؤامرة التي اطاحوا بها بنا من منافسات افريقيا
>  لو نضرب لمن التش يمشي بالعكاز بدون لعب
>  لن نلعب في ظل هو في حقيقته ضلال
 >  المهم
>  حروف اسماء اللاعبين الطارت حرف حرف واجعاني شديييد
>  ده مظهر امة ومنظر حضارات وسمعة ناس
>  واتخيلت الاولاد بغنوا كلو ما يطير من الشيرتات حرف ويقولوا
>  ضاع الكلام ماتت حروف اللقيا قبال املصها
 >  ايها الناس
>  ان تنصروا الله ينصركم
>  اها
>  نجي لي شمارات والي الخرتوم
>  كان شفت يا والينا
>  دايرين قناعات ما شعارات تترفع لينا
>  لانو القناعات بتبقى سلوك لينا
>  والشعارات مجرد كلمات في دلقون علي خشم الكبري معلقه لينا
 سلك كهربا

ننساك كيف والكلب قال في شعاراتنا مايو ويونيو ويوليو (مدير ليوم واحد ) واكتوبر ونوفمبر و مارس الماسك كتف ابريل
والي لقاء
سلك

الأعمدة

خالد كسلا

الثلاثاء، 12 كانون1/ديسمبر 2017

كمال عوض

الثلاثاء، 12 كانون1/ديسمبر 2017

عبدالمحمود الكرنكي

الثلاثاء، 12 كانون1/ديسمبر 2017

إسحق فضل الله

الثلاثاء، 12 كانون1/ديسمبر 2017

الصادق الرزيقي

الثلاثاء، 12 كانون1/ديسمبر 2017

خالد كسلا

الإثنين، 11 كانون1/ديسمبر 2017

محمد عبدالماجد

الإثنين، 11 كانون1/ديسمبر 2017