الأربعاء، 20 أيلول/سبتمبر 2017

board

مالكم ياناس !

> لماذا اصبحنا لانتحمل بعضنا؟
> لماذا اصبحنا نحور الكلام ليصب في بحيرة الاختلاف التي اضحت مصبنا الوحيد؟

> لماذا بقينا لا نقبل الرأي الآخر اطلاقا؟
> ولماذا نفترض دوما ان هناك كومان
> يامعانا ياضدنا
> مابنقبل الاختلاف في الرأي ومابنعرف ادب الخلاف ليييييييه زي ما قال قدورة المجنون؟
> ايها الناس
> المريخ وطن للجميع
> فلا يصح اطلاقا نفي مواطن منه
> المريخ عقيدة للجميع ولا يصح اطلاقا تكفير انسان فيه لمجرد ان مذهبه لم يعجبك
> نمارس في المريخ حرية المواطنة ونبرطع في ارجائه لان كل ارجائه لنا وطن
> فقط نتقيد بعدم البرطعه في زراعة زول
> فحرية البرطعه لا تعني التعدي علي غرس الآخرين
> ونمارس فيه حرية الاعتقاد التي لا يحدها الا حدود تكفير الناس
> يجب ان نختلف بادب
> لاننا لانختلف فيه باي حال من الاحوال
> يجب ان يكون الكيل بمكيال واحد في كل الظروف
> لان الويل دائما للمطففين
> يجب ان يكون الكيل في الحالين مستوفي ووافي وكافي
> المهم
> بعض الناس يري الاصلاح هو الانسب
> والبعض الآخر ينادي بالتغيير علي اطلاقه
> ويتفق الرأيان في التغير حيث ان الاصلاح هو تغيير لبعض السياسات والوجوه
> ولكنهما يختلفان في نطاق التغيير
> اليست المسافه متقاربه بي الرأيين اذا نظرنا لها من زاوية عاقلة ومنطقية؟
> اذن اين الخلاف والاختلاف؟
> ايها الناس
> عشان خاطر عين اكرمنا مليون عين عددا من السنين
> اما آن للعين التي عشان خاطرها اكرمنا المليون عين لعدد من السنين .. اما آن لها ان تكرم اعيننا وتتضع حدا لاستصحاب المليون العين التي اكرمناها عشان خاطر تلك العين؟
> مجرد رأي في وطن مريخي ديمقراطي
> المهم
> واحد حاقد
> رسل في موقع برشلونه صفحة الرديف (ب) فيديو لهدف ميدو التاني في شباك بني زنطور في مجموعات افريقيا
> وقالوا البرشلوناب الدخلوا الموقع وشافوا الفيديو كلهم قال ديرو ماسكيرو جاديدو؟
>
> اي واحد منهم يشوف الفيديو يقول ديرو ماسكيرو جاديدو؟
> يعني ده الماسورة الجديدة؟
> وفيهم واحد عجوز قال
> ديرو دالفيهو كامولي من ساكوكي ميدوكي
> يعني ده الفيهو كملت من سك ميدو
> زيزو راكوزي عالولي وادوووي آنوني داهووووي
> يعني ده زيدان لو ركز عليهو بودينا في داهيه
> ايها الناس
> ناس بتفرح لما تجيب كاس من بره
> وناس فرحتها لو ودت زول بره
> وفرق يادكتور ميزو
> ايها الناس
> مالكم ياناس
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> رجينا
> ورجينا
> ورجيناها
> ابت تجينا يا والينا
سلك كهربا

ننساك كيف والكلب قال بي طريقتكم دي حاترجوا كتييير حاتطولوا وتاخدوا مده
والي لقاء
سلك

الأعمدة

خالد كسلا

الثلاثاء، 19 أيلول/سبتمبر 2017

خالد كسلا

الإثنين، 18 أيلول/سبتمبر 2017

د. حسن التجاني

الإثنين، 18 أيلول/سبتمبر 2017

الصادق الرزيقي

الإثنين، 18 أيلول/سبتمبر 2017