الخميس، 19 تشرين1/أكتوير 2017

board

ديمقراطية كل قائمة راسها براهو

> ننادي بالديمقراطية في المريخ
> نريد ان يشارك الشعب المريخي في اختيار قيادته

> نريدها ديمقراطية حقه
> ذات عضوية حقيقية لا وهمية
> فالعضوية الوهمية لا تخدم القضية
> ولتعريف العضوية الوهمية نضرب مثلا بعضوية فلان وعضوية فلتكان
> ففلان وفلتكان يدفعان رسوم العضوية عند استخراجها
> ويدفعان رسوم تجديد العضوية التي تراكمت حتي موعد الانتخابات للعضوية الوهمية
> واذا كان عندنا عضوية فلان
> وعضوية فلتكان
> عضوية المريخ وين من الخمج ده؟
> عضوية الناس الذين يتبعون للمريخ ويسددون رسوم تجديد عضويتهم من حر مالهم
> ايها الناس
> لماذا يتحمل جالب العضوية رسوم العضوية التي يستجلبها ليصعد علي اصواتها سلم الولوج لمجلس المريخ؟
> هل لانه يريد ان يستفيد المريخ من خدماته الجليله ام هناك فائدة تعود اليه اثر ولوجه لمجلس المريخ؟
> ولا اقصد بالفائدة الفائدة الادبية فهي مفروغ منها
> لان شرف عضوية مجلس المريخ لا يضاهيه شرف
> يكفي ان البعض يتونس في المجتمعات خالف رجل علي رجل
> قلت لي جمال وجمال قال لي
> كأنو زميل دراسة
> جديع يدفع ثمنه المريخ لولوج اصحاب القشرة لمجلسه
> ده غير الفوائد المادية التي تعود علي العضو من خلال الفائدة الادبية
> اجعص جهة ممكن تعمل معاك شغل
> اكبر تاجر ممكن يمدك باغلي البضائع بدون مقدم
> لان وصفك عضو مجلس ادارة المريخ يضمنك في النيابه خليهو في السوق
> يبقي من يجلب العضوية يعترف صراحة بانه لا يستحق المنصب
> وانه مستفيد من المنصب
> والخاسر الاكبر هو المريخ و جمهور المريخ
> والمريخ مابستاهل
> لكن جمهور المريخ يستاهل لانه اهمل نيل العضوية وترك مصير المريخ لقلة مستجلبة مستلبة الارادة تقبض ثمن بيعها للمريخ مقدما وتقطع وشها للانتخابات القادمة
> ومن سخريات القدر ان احد اصحاب العضويات المستجلبه
> استجلب شقيقة الهلالابي واستخرج له بطاقة عضوية مريخيه
> ننزل ليكم صورة البطاقة اسي ولا بعد حين؟
> ايها الناس
> التحية لاولتراسات المريخ الفتية
> فلقد بلغ علمي انهم حرصوا علي عضويتهم من حرمالهم لاشعال الحرب علي العضوية المستجلبة رخيصة الثمن
> اما ماديا
> اي الفائدة المالية المباشرة من التمتع بعضوية مجلس المريخ
> فأنا اجزم بها
> لانو مافي حيوان بدفع مبالغ طائلة زي دي لجلب العضوية دون ان يكون واثقا من الطريقة التي يعيدها بها لجيبة من جديد بارباحها كاملة
> و التحية لاي مريخي شريف له من الوعي ما دفعه لنيل شرف العضوية من حر ماله ممتلكا قراره عند الاختيار والمفاضلة بين المرشحين
> ايها الناس
> تهمنا العضوية ام راس الواعية المستنيرة
> فالعضوية ام راس هي العضوية صاحبة الفهم
> اما العضوية بالراس فتساق كالغنم لا تدري ماذا هي فاعله ولكن الراعي واعي ويعرف جيدا اين يتجه باغنامه
> ايها الناس
> ننادي بديمقراطية حتي ولو لم تك مثالية فهي تعتبر خطوة نحو تنقية العملية الديمقراطية من شوائب ورثتها في مجالات رياضية وخدمية وسياسية وبرلمانية وحزبية وحتي علي مستوي جمعيات الاحياء الخيرية و اللجان الشعبية
> ننادي بديمقراطية تقوم علي الصدق والوعي وتطرح برنامج تكون مساءلة عنه بالحرف حال توليها امر القيادة
> فمع اي ناس قادم انت يا اخي المريخي؟
> لا نريد قوائم انتخابية تتفق جميعها علي الرئيس و تختلف فيما دون ذلك
> فهذا في حد ذاته دليل علي عدم النفاع
> فمن يتبني برنامج بالتأكيد يكون عالما بجلب الموارد التي تعينه علي تنفيذ برنامجه
> يعني الرئيس ده غالبو يفكر ودايركم تفكروا ليهو وهو يمول ليكم افكاركم المهببه دي ؟
> مهببه لانها لو ما مهببه كان دلتكم علي مصدر تمويل آخر خلاف الرئيس الذي تعارضونه
> والا تكونوا مامعارضين الرئيس
> تكونوا معارضين الناس المع الرئيس
> لانو في ناس مع الزول الرئيس لو جا بجوا الناس البجوا مع الرئيس
> وفي ناس مع الزول الوزير
> لو جا بجوا الناس البجوا مع الوزير
> وفي ناس مع الزول الحسين
> لو جا بجوا الناس البجوا مع الحسين
> وفي ناس مع الزول الرصين
> لو جا بجوا الناس البجوا معاهو
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الباعوض لسه حايم فينا
> والمعتمد ولا سائل فينا
> يكون هو المربي الباعوض لينا يا والينا؟
سلك كهربا
ننساك كيف والكلب قال المحيرني الناس البجوا مع الزول الرصين… كتروا في البلد دي
والي لقاء
سلك

الأعمدة

د. حسن التجاني

الأربعاء، 18 تشرين1/أكتوير 2017

خالد كسلا

الأربعاء، 18 تشرين1/أكتوير 2017

إسحق فضل الله

الأربعاء، 18 تشرين1/أكتوير 2017

الصادق الرزيقي

الأربعاء، 18 تشرين1/أكتوير 2017

د. حسن التجاني

الثلاثاء، 17 تشرين1/أكتوير 2017

خالد كسلا

الثلاثاء، 17 تشرين1/أكتوير 2017

بابكر سلك

الثلاثاء، 17 تشرين1/أكتوير 2017

إسحق فضل الله

الثلاثاء، 17 تشرين1/أكتوير 2017