الجمعة، 15 كانون1/ديسمبر 2017

board

عزلك شفتو في أمي!!

> قالوا واحد قال لي أبوهو
> قررت اتزوج يا أبوي
> الأبو قال ليهو : أجمل جملة سمعتها في حياتي يا ولدي ..من باكر أمشي أفتش و أعزل ليك عروس

> الولد قال ليهو : لا.. لا ما تتعب نفسك يا أبوي.. عزلك شفتو في أمي
> آها
> نحنا في المريخ ما دايرين أية لجنة تسيير
> لأنو لجنة التسيير بتجي بالتعيين
> وعزل أمانة الشباب شفناهو في أذهاننا لجان التسيير الكتار القبل كده
> عليه
> الديمقراطية هي الفيصل
> والديمقراطية ممارسة جميلة
> لذا نرفض أية محاولة لكسر رقبة حقنا في ممارسة ذلك الحلم الجميل
> باب الترشيح قفل
> باب الطعون قفل
> قوائم الناخبين اكتملت
> تاني اللولوة شنو وتأخير الجمعية لي شنو؟
> الفازوا بالتزكية انعرفوا
> والبتنافسوا على بقية المقاعد اتعرفوا
> الشرفاء اتعرفوا
> والمحشودين ظاهرين
> وتجار العضوية قابضين وبايعين
> سبب يأجل الجمعية مافي
> أيها الناس
> تسعة طعون قدمت ضد سوداكال
> وكهربة الإستاد مقطوعة في كم وعشرين مليون (بالقديم )
> كنا نمني النفس بأن نسمع بصاحب طعن من الطعون قد سدد دين الكهرباء وأعاد النور لظلمات في ليل دجى يعيش بداخلها المريخ
> ولكن عندما تأخروا تقدم جلال عبد الماجد وقال أنا لها
> المهم
> للعضو المريخي تلاتة حقوق
> الأول الترشح
> التاني الانتخاب
> التالت الطعن
> ومن يمارس واحد من تلك الحقوق مابزعلنا
> بس البزعلنا اذا كانت تلك الممارسة في ظاهرها ديمقراطية وفي باطنها تآمرية
> وحسب علمنا إن الأخ رمرم والذي شغل بالتعيين منصب أمانة المال كما اعتقد
> قد عقد العزم علي تقديم نفسه لأمانة المال عبر المجلس المنتخب
> ولكن كانت المفاجأه أنه قدم نفسه لمقعد نائب الرئيس
> فهل ترشح لهذا المنصب قبل ترشيح قريش لنفس المنصب ام بعد ترشيح قريش؟
> وإن كان بعده
> لمصلحة من قدم رمرم نفسه لهذا المنصب؟
> هل لمصلحة المريخ؟
> ده واحد من حقوق الممارسة الديمقراطية
> طيب
> الذين طعنوا
> هل نجزم بأنهم التسعة ده رأيهم وهذه هي قناعاتهم وسددوا رسوم الطعن من جيوبهم؟
> أم فيهم من رسلوهو ليطعن ويسدد الرسوم ويشيل الباقي؟
> إن كان من بينهم من هو كذلك
> برضك يبقى ده حق من حقوق الممارسة الديمقراطية شكلاً
> أيها الناس
> أبقوا مريخاب ما تبقوا زيف
> أيها الناس
> إن تنصروا الله ينصركم
> آها
> نجي لي شمارات والي الخرتوم
> الباعوض خليهو يا والينا
> الدولار نزل قالوا لينا
> بقي بي عشرين ألف بس يا والينا
سلك كهربا

ننساك كيف والكلب قال الرجع الزمن يرجع الجنيه ويرجع الحال والبال الي ماكانا عليه
والي لقاء
سلك

الأعمدة

د. عارف الركابي

الخميس، 14 كانون1/ديسمبر 2017

خالد كسلا

الخميس، 14 كانون1/ديسمبر 2017

بابكر سلك

الخميس، 14 كانون1/ديسمبر 2017

عبدالمحمود الكرنكي

الخميس، 14 كانون1/ديسمبر 2017

محمد عبدالماجد

الخميس، 14 كانون1/ديسمبر 2017

الصادق الرزيقي

الخميس، 14 كانون1/ديسمبر 2017

كمال عوض

الخميس، 14 كانون1/ديسمبر 2017

خالد كسلا

الأربعاء، 13 كانون1/ديسمبر 2017

د. حسن التجاني

الأربعاء، 13 كانون1/ديسمبر 2017

بابكر سلك

الأربعاء، 13 كانون1/ديسمبر 2017

كمال عوض

الأربعاء، 13 كانون1/ديسمبر 2017