الجمعة، 15 كانون1/ديسمبر 2017

board

الشارع الشياشي

> يطلقون عليه الشارع السياسي
> واهم موضوعاته دائماً هو موضوع الساعة سواء كان موضوعاً سياسياً او اجتماعياً او ثقافياً او رياضياً او اقتصادياً.

> ويطلق على ذلك الموضوع الخطاب العام.
> شخصياً اراه شارعاً شياشياً اكثر من هو سياسي.
> لأن تسميته بالشارع الشياشي هي الانسب.
> مقر الحوار الرئيسي هو حول ست الشاي.
> اي ست شاي.
> وست اي شاي.
> عشة واخواتها.
> ومحاسن بي حرجلها.
> ست الشاي اضحت قبة برلمان يجتمع عندها جميع الوان الطيف المجتمعي.
> في تمثيل نسبي عادل جداً.
> وتناول المواضيع في تلك اللمة يتم بشفافية وصدق وبدون ادنى حد للنفاق (الا لو كان في زول لمبة جابو الدرب وتبوأ بمبراً جلس به علي نفس الناس)
> ست الشاي القبة كما يسميها الصديق الاستاذ محمد علي عبد الحليم زعيم شباب الهلال.
> حيث يرى صديقي انها قبة برلمانية اهم من قبة البرلمان، حيث تناقش فيها مواضيع الساعة بمنتهى الحرية والشفافية وتقتل بحثاً
> الأمر الذي يميزها عن قبة البرلمان التي ترفع شعارها المعروف مع زيادة وهو صفقة هييي صفقة.
> والما بتصفق ان شاء الله تاني ما يفوزوها.
> وصفقة هييي صفقة.
> المهم.
> يواجه برلمان الشارع
> او قل الشارع الشياشي حملات منظمة وكشات ومحاكم وغرامات.
> اظن ان الأمر يتم تحت راية فرض هيبة الدولة وبسط سيادة القانون ومحاربة العادات الضارة.
> ما قلنا شيء.
> ولكنا في قبة الشارع الشياشي نرى ان هيبة الدولة تتبلور بصورة اعمق في مظهر المدينة العام.
> في خيراننا ونفاياتنا وموياتنا ومحاربة مزارع الباعوض المنتشرة فينا.
> وسيادة القانون تتحقق عندما يكون الجميع سواسية امامه.
> ومحاربة العادات الضارة يبقي وين غير في اجتثاث الفساد من باطن ارضنا الطاهرة والحفاظ علي المال العام !!!!
> وين هيبة الدولة ووين سيادة القانون ووين محاربة العادات الضارة في مطاردة ومصادرة ست شاي اجبرتها الظروف على ذلك ولا يوجد تصديق لها بالعمل.
> حتى ولو تدفع قروش للمحليات الما بتشبع ومن الباعوض ما بشفع.
> ايها الناس
> استصحبوا معكم توصيات مؤتمر الشارع الشياشي.
> وفروا الاحترام لقبته البرلمانية(ست الشاي)
> قبل ما تجونا بي جاي.
> جمب ست الشاي.
> المهم.
> بتاع بحر قال البرلمان زي تربيزة الحريق.
> نفس الوجوه.
> يقوموا من كراسي ويقعدوا في كراسي.
> والبحرق في زمننا ده بدخل على اعلى بونط.
> ايها الناس.
> هل وصل بنا الامر لنشر صورة لمبلغ السبعة مليون والشيك وخطاب الكهرباء على صفحات التواصل الاجتماعي؟
> هل وصل بنا الامر لرفع صورة النادي مضاءً على صفحات التواصل الاجتماعي؟
> حتى رجعة الكهرباء بقت تفرح !!!
> حقو بدل نطعن في سوداكال.
> نشيل (في) ونواصل طعن.
> لا حول ولا قوة الا بالله.
> اين الذين حملوا لافتات الثكلى لما قطعوا الكهرباء يوم واحد في عهد ونسي؟
> لو اللافتات ديك قاعدة
> ادونا ليها لو خجلتوا من اعادة رفعها.
> المهم.
> نلتقي الخرطوم الوطني.
> لا حول ولا قوة الا بالله.
> في ظروفنا دي.
> لا حول ولا قوة الا بالله.
> اصابات بدون معالج.
> لا حول ولا قوة الا بالله.
> والكورة دايرة لياقة.
> لا حول ولا قوة الا بالله.
> واللياقة عند السلطان.
> والسلطان داير شنو مافي زول عارف.
> ولا حول ولا قوة الا بالله.
> ايها الناس.
> إن تنصروا الله ينصركم.
> أها.
> نجي لي شمارات والي الخرتوم.
> والينا.
> الموديل ده شماراتو جات فوق.
سلك كهربا
ننساك كيف والكلب قال الرجع الزمن يرجع الزمن يا ود أمي.
وإلى لقاء.
سلك

الأعمدة

د. عارف الركابي

الخميس، 14 كانون1/ديسمبر 2017

خالد كسلا

الخميس، 14 كانون1/ديسمبر 2017

بابكر سلك

الخميس، 14 كانون1/ديسمبر 2017

عبدالمحمود الكرنكي

الخميس، 14 كانون1/ديسمبر 2017

محمد عبدالماجد

الخميس، 14 كانون1/ديسمبر 2017

الصادق الرزيقي

الخميس، 14 كانون1/ديسمبر 2017

كمال عوض

الخميس، 14 كانون1/ديسمبر 2017

خالد كسلا

الأربعاء، 13 كانون1/ديسمبر 2017

د. حسن التجاني

الأربعاء، 13 كانون1/ديسمبر 2017

بابكر سلك

الأربعاء، 13 كانون1/ديسمبر 2017

كمال عوض

الأربعاء، 13 كانون1/ديسمبر 2017