في السلك: لاتذروهن معلقات

*قفلنا ورقة امتحان الابيض

*ماشين علي امتحان عطبرة

*ونسأل الله ان يعيننا علي ورقة عطبرة

*بالمعسكر الربع عام حقنا

*مفروض زول في الممتاز يقيف قصادنا مافي

*لكنها مدورة

*والممتاز لايمكن ان يكون باي حال مقياس للفريق

*مع احترامنا لفرق الممتاز

*الممتاز ما ازيد من تمارين لاعداد الفريق لمنافسات خارجية اعتدنا ان نطير منها بمنتهي السهولة

*وماتقول لي امكانيات مادية

*غيرنا ماديا اسوأ منا

*وينتصر علينا

*لان امكانياتهم الذهنية اكبر من حقتنا(الحكتنا)

[١٧/‏٤ ٨:١٩ م] سلك: *المهم

*قصة تعليق اللاعب في السيستم دي قانونية

*مافوكها شي

*لكن معلقين لي متين؟؟؟

*في قيد زمني بعدها يصبح المعلق حر طليق

*هو في حقيقته زي الهجر

*بس مدتو اطول

*وببقي اللاعب زي(المعلقة)

*لا هي لاقيه حقوقها ولاهي مطلقة تشوف ليها بعلا تاني تعيش شبابها معاهو

*وبعد مرور القيد الزمني يجوز(للمعلقة)ان تنكح زوجا غيره

*وعاد كان نجحت مع زوجا غيره وانجيت انجازات

*نقعد نغني بس ياهاجر

*ايها الناس

*في زول بفرتق مواهبو الشابه ويستبدلها بغيرها غريبة دار

*وبعد ده يفلقنا خارطة طريق ومؤسسية وبناء فريق بطولات؟؟؟

*الزول مابسجل لاعب من بره الا يكون ذلك الزول يملك مهارة غير متوفره في اولادو الصغار الفركشهم

*فهل سجلنا بذلك المعيار؟؟؟؟؟

[١٧/‏٤ ٨:١٩ م] سلك: *عشان كدة لاتذروهن معلقات

*الا لظروف استثنائية زي اصابة التش مثلا

*ايها الناس

*الفريق ماشي كويس

*فهل المجلس ماشي كويس؟؟

*ومامصير (المعلقات)

*وما مصير المعلقين النادي؟؟؟؟

*امس شفنا كورة الاهلي والرجاء

*بركة الطرنا

*اعمار في البلد دي تقول ليها ادخل جوة ياود

*اعمار في البلد دي لسة ماسننت

*تقول لي مؤسسية؟؟؟؟

*كان الله مد في العمر شوفوا شباب الرجاء في مقبل السنوات

*ايها الناس

*ان تنصروا الله ينصركم

*اها

*نجي لي شمارات والي الخرتوم

*والينا المكلف علينا

*لسة ما اقتنعتوا يا اخينا؟؟؟

سلك كهربا

ننساك كيف والكلب قال الكورة في بلدكم دي حيرت بوبي ذاتو

والي لقاء