بل البرد حاااار

] الصديق الديمقراطي اكرم زكي كتب ولحن كورال بعنوان جزارة الفريق

] تناول فيه طبقات كوز الله التي بدأت تظهر في المجتمع السوداني

] تلك التي قسمت الشعب السوداني لثلاث طبقات

] طبقة العندهم وما بهمهم

] وطبقة الما عندهم والعندهم ما دايرينهم

] وطبقة ما دونهما رعاع

] والطبقة الاخيرة دي طبقة كسارين التلج من اهل النفاق الذين يقتاتون من فضلات مؤائد العندهم العملوها من موارد الشعب

] وما اكثر اهل هذه الطبقة

] منهم البطلع بضلعة شحمااانة

] ومنهم البطلع بعضمة فرخة ويطمع في خروف محشي وينافق في سبيل الوصول لمطامعه

] جسّد اكرم ذلك في كورال جزارة الفريق الذي قال فيه

] يا جزارة الفريق يا اللحمك للحي القدامنا

] يا الدمك رشانا

] الجلافيط للكلاب

] والعضام قدام الباب

] واللحم للبيتو عالي وما بتخبت ليهو باب

] ايها الناس

] شوف اكرم ده ابدع كيف حينما قدم الجلافيط للكلاب

] كلاب النفاق

] ثم رمي بالعضام قدام الباب للكلاب بتاعة الحي

] وارسل اللحم للبيتو عالي وما بتخبت ليهو باب

] جرس ورموت يا شيخنا

] ولكني ارى الابداع في الجلافيط التي القاها الحبيب اكرم قبل العضام واللحم

] اليومين دي الكيلو بخمسمية وجلافيط ساااااي

] سنعود لباقي القصيدة

] لان المجال مجال نجم ساحلي وزناطير

] أيها الناس

] ملح الرياضة هي المداعبات البريئة

] وعندما يتعلق الامر بالوطن

] تبقى الحصة وطن

] بصراحة الحكم ظلم الزناطير ظلم الحسن والحسين

] لانو قون الدمازين اوف سايد وااااضح

] الدمازين لما جاب القون علي الطاير كان اقرب لاعب للشبكة

] وما كان معاهو اي مدافع تونسي

] عشان كده كان علي الحكم احتساب التسلل والغاء هدف النجم التعادلي

] وده ما المهم

] المهم انو الجريف اتشطب عشان ما قطع الكورة من امام مهاجم الفريق الاماراتي الجا منها القون الكتل الزنطور

] يبقى الدمازين الدخلها عديل ده ما بعيد كردنة يقدمو للمحاكمة تحت المادة ١٣٠ جنائي

] القتل العمد

] ياخ ده جاب للزناطير موت الضان

] وبل البرد ده حاااااااار

] المهم

] بلاتينيوم عندو نقطة

] وعندو كورتين

] واحدة في بلدو وواحدة في تونس

] يعني حايطلع من الهيصة دي فقط باربع نقاط

] نقاط تونس دي ناس بلاتينيوم قنعانين منها

] قالوا كده في موقع النادي بتاعهم

] غايتو يشيلوا تلاتة نقاطهم الفضلت ليهم دي ويتخارجوا

] ولكن

] على الزناطير الاستعداد للمحاولة رقم واحد وتسعين نحو لوح الشرف الافريقي

] ما تقنعوا يا روشا من الاميرة السمراء

] قبل كده كردنة قال الهلال حايجيب الاميرة السمراء السنة دي

] والراجل صدق

] لانو جاب فطومة اختي

] اسمر اميرات افريقيا

] يا ناس

] كردنة وعد بحافز للبدخل قون

] دحين الدمازين ده ما بستحق الحافز ده؟

] بالذات كردنة ما حدد القون بي وين

] أيها الناس

] التسجيل في لوح الشرف الافريقي حصري على الفرق الكبيرة

] راجعوا السجل بتاع لوح الشرف

] ترجي اهلي مريخ مازيمبي واندية من هذا القبيل

] كلو سنة الهلال يسأل لوح الشرف الافريقي

] انا اسمي مكتوب؟

] وتأتي الاجابة التي لم ولن تتغير ابداً

] امشي العب بعيد يا ود

] أيها الناس

] إن تنصروا الله ينصركم

] أها

] نجي لي شمارات والي الخرتوم

] كان شفت يا والينا

] مراجعة شارات المرور وردم حفر الشارع وتكثيف وجود ناس المرور بحل الزحمة الفينا

سلك كهربا

ننساك كيف والكلب قال في البرد ده البتبلة بموت

والى لقاء

سلك

اضغط هنا للانضمام لمجموعات الانتباهة على تطبيق واتساب
Do NOT follow this link or you will be banned from the site!
إغلاق
إغلاق