فزيع فزيع فزيع

بابكر سلك
] الوضع اصبح فظيع
] او كما يحلو لقبيلة لي اللسان فزيع
] الودع بقه فزييييع
] فزيع فزيع فزيع
] الودع تعني الوضع
] بقه(معاها فزرة في الهاء) تعني بقى
] وفزيع تعني فظيع
] وسواء كان الوضع فظيع
] او
] الودع بقه فزييييع
] في الحالتين محمد احمد الضائع
] وبرغم فظاعة الوضع الجماعة البلووا السنتهم ديل لسه مستمرين في اكل الكلام وتعطيش الحروف
] خلوا الحروف كلها تلهث من العطش ولسانها مدلدل

] واحدة من الناس ديل نطقت كلمة جبنة
] جبنة العادية دي البنفتها في الفول
] عطشت الجيم لما الجبنة نشفت
] وشربكت ليك لسانها في النون
] لما الجبنة العادية دي براها اتضفرت
] وبركة الجبنة ما فيها جيمين
] لانو لو كان في الجبنة اكتر من جيم
] وصاحبتنا دي عطشتن كلهن
] اكيد الجبنة بتفقد سوائل
] وتلحق بنا نحن الشعب السوداني الذي فقد سوائل والنيل هايج وسايل والوضع فظيع
] المهم
] زي دي مع سخانة الجو والاسعار الفينا دي
] اكيد ما بتقول وضع فظيع
] اكيد بتقول ودع فزيع فزيع فزيع
] نطق يحير فظاعة الوضع ذاتها
] وما مشكلة
] يعني شنو مية طوبة حمراء بمليون
] ولا شى
] يعني شنو برلوم ماشي الجامعة وساكن صابرين وحايفطر طعمية محتاج مصاريف يوم خمسمائة الف جنيه
] ولا شي
] يعني شنو كيلو اللحمة ماشي على المليون
] واحتمال بعد شوية نستأجر اللحمة نطبخ بيها ونرجعها
] وده في حد ذاتو اذا الزيت رطلو نزل من تلتمية ولقينا الغاز لانو الفحم ما بنقدر عليهو الا ناس ودع فزيع ديك
] ولا شي
] طالما نستمتع بحرية
] ونجوع بحرية
] ويسعر التجار بضائعهم بحرية
] ونعيش كفافاً بحرية
] ونموت ونحن على نقالة الحرية
] تبقى ما في مشكلة
] لاننا نتحمل اخفاقات حكومة اخترناها بحرية
] وفشلت في ملفات كتيرة بمنتهى الحرية
] فهي تريد ان نربي الناس على الحرية بصرف النظر عن الحالة البطنية للناس
] وبي كده نحطم المثل القديم
] ولدك شبعو حتى تطبعو
] فشعار الحكومة التي اخترناها بحرية هو
] ولدك ما تشبعو .. وعلى الحرية طبعو
] وهي حرة طبعاً
] بس ناسية اننا شعب برضك حر ويمكننا تغيير اي شي بمنتهى الحرية
] الودع فزييييييع
] ايها الناس
] البلد دي عيبها شنو؟؟
] اسي لو وفرنا البنزين والجاز والغاز والكهربا والدقيق والعلاج والموية والوظائف
] تاني البلد دي عيبها شنو؟
] ايها الناس
] الدوري على الابواب
] ونحن في المريخ نصنع العراقيل والمعارك
] سبحان الله
] وندعي كلنا المريخية
] اللهم انت عارف ومابوروك
] ولا خير الا فيما تختاره
] اللهم الودع في المريخ فزيييييييع
] ايها الناس
] ان تنصروا الله ينصركم
] اها
] نجي لي شمارات والي الخرتوم
] كان شفت يا والينا
] تلاتة سنين الحرب مدورة فينا
] ذكرونا الروس في افغانستان يا اخينا
] لما قنعوا شالوا عتادهم ورجعوا روسيا يا والينا
سلك كهربا
ننساك كيف والكلب قال تأبى الرماح اذا اجتمعن تكسراً يا ناس المجلس واذا افترقن تكسرت احاداً
والى لقاء
سلك

اضغط هنا للانضمام لمجموعات الانتباهة على تطبيق واتساب
Do NOT follow this link or you will be banned from the site!
إغلاق
إغلاق