السودان: بابكر سلك يكتب: طبيعي

كلامهم ياربي صحي!!!
] يقولون الكثير عنا كسودانيين.
] واحد قال الإنجليز لما جوا يمرقوا خواجة كبير منهم أعلن عن جائزة ضخمة لمن يقوم بإنزال كرتونة من شباك عالي جداً بمكتبه.
] فتدافع الذين يعملون في تلك المؤسسة.
] والكل يمني النفس بالجائزة.
] جاءوا من كل فج عميق.
] ولاحظ الخواجة إن تركيز الناس كان حول عرقلة من يحاول الوصول للكرتونة.
] وإنتهى الزمن دون أن يصل احد للكرتونة ومن ثمة للجائزة.
] قالوا الخواجة قال ده شعب لايتعاون لإنجاز عمل ولكنه يجتهد لأجل عرقلة الآخرين.
] قالوا كده.
] ولما استنكرنا ذلك الوصف.
] حكوا لنا قصة إتفاقية الميرغني قرنق للسلام.
] وقالوا البلد دي وقتها زعمائها كانوا أربعة.
] تلاتة الميرغني وأتنين سياسيين والمريخ.
] فقام السياسيان الإتنين بعرقلة الإتفاقية التي كان سيعم خيرها الوطن والمواطن.
] لأجل أنهما لم يكونا من أطرافها.
] فضاع على البلد استقرار وسلام.
] وضاع الجنوب ذاتو.
] هم قالوا كده.
] وكتير من قصص الحسادة نرويها حتى نحن.
] زي قصة الأتنين الماشين في الخلا.
] وقابلهما شيطان الجرة.
] قال ليهم شبيك لبيك أي واحد فيكم يطلب طلب أحققو ليهو.
] الأول قال داير قطيع ضأن.
] فووووو.
] الشيطان جاب القطيع.
] الشيطان قال للتاني داير شنو أنت.
] التاني قال ليهو داير قطيع مرافعين يأكلن قطيع ضأن صاحبي ده.
] برانا بنحكي قصص زي دي ونضحك.
] لأن شر البلية مايضحك.
] فهل نحنا فعلاً كما يقولون؟
] نحاول نقيس ما يقولون بمجتمعنا الرياضي.
] موش حقيقة تسيطر علينا رغبة قوية في هزيمة وتقهقر الفريق المابنشجعوا أكتر من رغبتنا في تطور وإزدهار الفريق البنشجعوا؟.
] ولو عذرنا في ذلك الأهلة لاحساس الدونية الذي يسببه لهم الصفر الدولي.
] وخوفهم من تحقيق الزعيم لجويات جديدة وهم أباطهم والنجم.
] الما هلالاب نعذرهم كيف؟.
] وتعالوا شوفوا داخل الأندية.
] طبعاً الولاء ياولاء البوشي بقى للأشخاص أكتر من الكيانات.
] هنا بنلقى أنصار فلان يتمنون إخفاق الكيان في بطولة لأنها لم تتحقق في عهد شيخهم الذي له ولاءهم.
] يعني مثلاً الأرباباب مابتمنوا الهلال يطلع من الصفر الدولي في عهد البرير.
] والبريراب كذلك لايتمنون توفيق دولي للهلال في عهد كردنة.
] حتى لايعايرهم الكاردينالاب بنجاح الرجل.
] وهنا صرح كردنة قائلاً:
] أنا رئيس الهلال رقم (٤٤) .
] قالوا أنا بغير مدربين كتير عشان كده الهلال ماجاب كأس من بره.
] التلاتة وأربعين رئيس القبلي المابغيروا مدربين كتير جابوا شنو؟.
] ماياهو الصفر الدولي؟.
] أيها الناس.
] هذا الحال برضو في المريخ.
] بدليل مريخاب برسلوا للزولفاني عشان مايجيء المريخ.
] لأنو المجلس ماتبعهم.
] وحروبات تشن في أي وقت دون إعتبار للمرحلة.
] وهم الذين كانوا يقولون في عهدهم أن الوقت غير مناسب.
] ومصلحة الكيان هي العليا.
] أيها الناس
] شفتوا كيف أصبح مجتمعنا الرياضي؟.
] يقيني أن شيطان الجرة لو دخل الاستاد وقال لكل الجماهير واللاعبين والمدربين والإداريين والحكام.
] شبيكم لبيكم دايرين شنو أعملو ليكم.
] لقالوا بدون ترد وبصوت واحد.
] دايرين قطيع مرافعين يأكلن قطيع إنجازات أي زول في وسطنا الرياضي ده.
] أيها الناس.
] إن الله لايغير مابقوم حتى يغيرون ما بأنفسهم.
] فهل تغيرنا وطلبنا كلنا من شيطان الجرة قطيع ضأن.
] أم تمسكنا بحالنا وطلبنا قطيع مرافعين!.
] أيها الناس
] إن تنصروا الله ينصركم.
] أها
] نجي لي شمارات والي الخرتوم.
] كان شفت يا والينا.
] الصباح بدري صحينا.
] لقينا.
] شبكة طاشة وموية قاطعة وكهربا يسمنا يا أخينا.
] مشينا على العربات يا والينا. لا جاز لابنزينا.
] والرغيفة بس الجلد البكتب عليهو الفرس زي ماقالوا لينا.
] ونايمين حلمانين وحلمانينا.
] ربنا يحقق أمانينا.
سلك كهربا
ننساك كيف والكلب قال مبروك الأفران المصرية..ياربي جاية بي دقيقها وغازها وجازها وكهربتها ورقابتها؟.
وإلى لقاء.
سلك

اضغط هنا للانضمام لمجموعات الانتباهة على تطبيق واتساب
زر الذهاب إلى الأعلى