السودان: بابكر سلك يكتب: يا محمد أحمد همتك 

] العضوية
] شرف الانتماء
] تمثل الجنسية
] او قل الرقم الوطني الذي يحفظ لك حقوقك
] ويجبر الناس على سماع صوتك
] يا محمد احمد المريخي همتك
] عضويتك امانة في ذمتك
] وهي فرض عين لا فرض كفاية
] فرض لا يسقط بقيام البعض به عن الكل
] فرض يجعل كلامك مسموعاً ومحترماً لا ورجغة ساكت
] فجمهورية المريخ الديمقراطية لا تعترف بالزول الكيري
] المشجع مكانه المدرجات ومنها للبيت
] اما العضو فكل الامكنة متاحة له ومكانه فوق الراس
] ويا حلاوة العضو لما يكون من العضوية ام راس التي تفيد
] لا من العضوية بالراس التي تستفيد
] وعلى لجنة العضوية يقع العبء الاكبر
] تسهيل الاجراء وتيسيره
] سيما ولاول مرة في التاريخ وبفضل النظام الاساسي المجاز في اكتوبر ٢٠١٩ المؤكد زيادة خير في اكتوبر ٢٠٢٠
] لاول مرة وبموجب ذلك النظام تخرج العضوية عن اطار الولاية التي تجبر الناس لاحضار شهادات سكن مزورة لآفاق عالمية ترفرف فيها فاردة جناحيها لكل من يرغب فيها من اهل المريخ المنتشرين في العالم كلو
] يعني بفضل هذا النظام اصبح المقيم في تكساس كالمقيم في حي الامراء
] والقاعد في طوكيو زي القاعد في شارع العرضة يحتسي الجبنة وينظر بزهو لاستاد المريخ
] وعشان كده على لجنة العضوية تطوير ادواتها وتيسير الامر على نيل العضوية
] برغم ان من ينال العضوية جديدة في الفترة الحالية لا يحق له المشاركة في الجمعية الانتخابية القادمة
] لان دستور جمهورية المريخ الديمقراطية لا يعطيه ذلك الحق الا بعد ان يبلغ عمر نيله للعضوية سنة
] سنة يا انا
] مافي زول بعدين يجي يقول انا عضو واسمي سقط
] ما تميت سنة من تاريخ نيلك للعضوية جمعية انتخابيه نهي كرتا بالكل قانون كهيه
] والعضوية هي الرقم الوطني
] وعلي لجنة العضوية تنقيحها وسحب اي رقم منح على طريقة منح حكومة البشير وزمرته للارقام الوطنية بالذات للاخوة السوريين
] قانون بالكل على الكل
] لذا فكرة التفكيك واردة في عمل لجنة العضوية
] ايها الناس
] المريخ الآن وبفضل الدستور (الدائم)
] لا يحكمه مجلس ادارة فحسب
] بل تحكم مجلس الادارة نفسه لجان انتخبتها الجمعية لا سلطة لمجلس الادارة عليها
] بل وبعضها يستطيع ان يفرض رؤاه على المجلس بل ويحاسبه كمان
] اسي ده دستور مفصل على سوداكال؟؟؟؟
] المهم
] المريخ الآن في مرحلة حرجة تتطلب اسقاط كل الخلافات لاجل الوصول لحلول آنية
] وبالقانون
] انها دعوة يؤمها نفر كريم من اهل المريخ
] نثق تماماً انها ستجد الاستجابة الكاملة والسريعة بقلوب راضية مرضية
] لاننا في المريخ ان اختلفنا على الفكرة تأتلف قلوبنا محبة لبعضنا
] فهل من مجيب؟؟؟؟
] ايها الناس
] ان تنصروا الله ينصركم
] اها
] نجي لي شمارات والي الخرتوم
] الغريبة يا والينا
] عيش ما لقينا .. جاز ما لدينا
] وعربات الشفط حايمة فينا
] من وين جبنا البنشفط يا والينا
] ومن وين جابت عربات الشفط الجاز الحايمة بيهو فينا!!!
سلك كهربا
ننساك كيف والكلب قال سخانة الليل دي الشمس الغايبة ليها شنو؟ كان تساهر معانا
والى لقاء
سلك

اضغط هنا للانضمام لمجموعات الانتباهة على تطبيق واتساب
زر الذهاب إلى الأعلى