السودان: بابكر سلك يكتب: أين لوردات المريخ؟

] بالأمس تحدثنا عن سلطة لجنة الإنتخابات.
] برغم وضوح الكلام إلا أن البعض ما وقع ليهو .
] قد يكون ماوقع ليهو فوق راي.
] لكن لما يكون التعليق.
] كيف نلجأ للجنة كوّنها المجلس نفسو عشان تشيلو.
] يبقى ده عدم فهم بالعديل كده.
] لأنو الفاهم مفروض يفهم أن لجنة الإنتخابات لم يعينها المجلس .
] بل هي لجنة أنتخبتها الجمعية العمومية.
] يعني لا سلطة للمجلس عليها إطلاقاً.
] ففي عهد الديمقراطية (عدم المؤاخذه).
] لم تعد سلطات المجلس مطلقة.
] ولم تعد يد المجلس مطلوقة تعين كل اللجان وتحل كل اللجان بمزاجها.
] زمن الغتيت إنتهى.
] قلنا رأينا بوضوح أمس.
] إذا قعدنا ننكر واقع إجازة النظام الأساسي.
] صدقوني حا تتكرر قصة الإنقاذ.
] لما جات الإنقاذ المثقفاتية رفضوا الإعتراف بها كواقع .
] قعدت تلتين سنة .
] لذا أعترفوا بالنظام الأساسي كواقع.
] وإلا سودا حايقعد تلتين سنة.
] إن كنا جاديين في ذهاب المجلس وحادبين على مصلحة الكيان.
] نبطل مكابرة ونتعامل مع الواقع بالقانون.
] وبمناسبة سودا يقعد ولا يمشي.
] أين لوردات المريخ الذين كانوا يتسابقون بواسطة التعيين الحكومي لدخول مجالس المريخ؟.
] هل كان ذلك التسابق فقط لأجل القشرة والتلميع الإجتماعي؟.
] شأنهم في ذلك شأن بقية الناس.
] أصلو إتعودنا في البلد دي.
] البعمل ليهو قرشين أياً كان مصدرها.
] بفكر في التلميع.
] يا بمجلس إدارة نادي قمة.
] يا بدخول البرلمان نائباً أو نائماً.
] أين ذلك الكم الهائل من الأحداث المريخية اليوم؟.
] وهل علاقتهم بالمريخ بدأت بتلك الجلاليب البيضاء المكوية وإنتهت بمجرد القيام من المقصورة؟؟.
] صدقوني الوسط الرياضي ده محتاج تفكيك شديد.
] ولسسسسة بسأل
] أين لوردات المريخ؟؟؟؟؟.
] المهم
] خلال اسبوع واحد يتحدد مصير الدوري.
] فهل عملنا أرضاً سلاح لنفوز بالدوري.
] ولا نشعللها لتبقى عبارة نهواهو في كل الظروف حاضرة؟؟؟؟.
] أفتكر الحتة دي زي جهاز الكشف عن الدهب.
] جهاز الكشف عن المريخية.
] إذا كورك في مريخابي.
] وإذا أنطم يبقى مافي دهب.
] المهم
] المجلس يهاب لجنة الإنتخابات صاحبة السلطة .
] والمعارضة لاتدرك قيمة هذا السلاح.
] وكلو زول حر في رأيو.
] ديمقراطية (بدون مؤاخذة).
] أيها الناس.
] إن تنصروا الله ينصركم .
] أها
] نجي لي شمارات والي الخرتوم.
] كان شفت يا والينا.
] مهما حصل لينا .
] موش حانموت الله يخلينا.
سلك كهربا
ننساك كيف والكلب قال زمااان لما كنا صغار الواحد كان كسر بكسر ليهو كباية يتجضم ويتلبع لما يعرف شيء..اسي الشافع لو كسر بكسر شاشة موبايل بطمنطاشر مليون ويقولوا ليهو معليش ياحبيبي…. حبيبي؟حبيبي بمرتب شهر ونص؟.
وإلى لقاء.
سلك