السودان: بابكر سلك يكتب: شخارم بخارم عفارم مكارم 

] قون السماني ده ماااا غريب علي .
] زي الشفتو قبل كده.
] أنا متأكد لاقاني.
] ياربي وين ياربي وين وين.
] أيواااااا .
] إتذكرت.
] قون السماني ده شفتو في شبكة مكسيم.
] نفس البامية.
] من نفس الحتة .
] ونفس الكفتة.
] كورة لوب وشوط ولافه.
] والغريبة سالم ماشافه .
] نطة سااااي.
] زي مكسيم .
] يجازيك يا السماني .
] دقيت لمكسيم  خروج ما في زول سألك.
] تقوم تدق لجمال سالم خروج نهائي؟.
] ياخ كان تديهو فرصة يودع ناسو.
] باقي سالم ده ناسو كتااااار.
] ناس بكوهوا حي.
] وناس تانيين أمس قربوا يشرطوا هدومهم .
] بالغت يا سيما.
] أيها الناس.
] في كم كورة كدة تيري لعبهم بشمولية .
] لو لعبهم بديموقراطية ومرر لغيرو وأداهو فرصة يعبر عن رأيو .
] كان أبو الهل لحق برشلونة يوم ميونخ.
] دائماً نلقى أبوالهل مستواه متواضع كالعادة .
] وكالعادة نهزمو بهدف أو هدفين بس.
] البخلينا نغلب بعض الفرق أربعات وخمسات ومابخلينا نغلب الهلال نفس النتيجة وهو صاحب نفس المستوى شنو؟.
] عشان كده قلنا المعد النفسي مهم جداً.
] المهم.
] نصر يشكر عليه كل من ساهم فيه.
] لأنو اللاعبين ديل أتسجلوا في عهود مجالس تلاتة.
] مجلس الوالي.
] ومجلس ونسي.
] ومجلس سودا .
] وحاينط لي زول يقول لي مالهم ماجابوا بطولات في تلك العهود.
] أقول ليهو مابقيسوها كده.
] في تلك العهود ما أكتسبوا خبراتهم دي لسه.
] نعم لاننكر الاستقرار الذي وفره هذا المجلس للاعبين.
] وإلا ما كان الممتاز ساكن عندنا تلاتة سنين.
] علي كل الشكر موصول لكل من أسهم في مسيرة المريخ من المسالمة ١٩٠٨م وحتى هدف السماني التاني.
] واللهم أدمها علينا حالاً يارب العالمين.
] أيها الناس.
] لن أبوح بالرأي حول رمضان وحمو وأبو عشرين.
] من حق أي انسان أن يبحث عن الوضع الأفضل .
] ولكن في ذاكرتي ذهاب إدوارد جلدو ووهبه وباكمبا وعلولو وحمودة .
] ولازال المريخ باقياً عملاقاً يتصدر الممتاز توالياً تلاتة مرات.  فهمتوني!.
] المهم
] من حقنا أن نفرح بالنصر ونحتفل .
] رواد الحوش يقيمون إحتفالاً أنيقاً بمناسبة الكأس التالتة توالياً.
] ولأن الإحتفال أنيق.
] ستحييه الأنيقة دوماً مكارم بشير.
] يعني شخارم وبخارم وعفارم ومكارم.
] أيها الناس.
] العضوية.
] كان سمعتوا بيها فتحت ماتختوها .
] عشان مافي زول يقول اسمي سقط.
] سقط في البرد ده؟.
] أيها الناس.
] إن تنصروا الله ينصركم .
] أها
] نجي لي شمارات والي الخرتوم .
] والينا دحين ما أمتدت الصفوف ولجنة أديب تشيل وتمد لينا؟.
سلك كهربا
ننساك كيف والكلب قال بالطريقة دي حاتطولوا وتأخدوا مدة.
وإلى لقاء.
سلك

اضغط هنا للانضمام لمجموعات الانتباهة على تطبيق واتساب
Do NOT follow this link or you will be banned from the site!
إغلاق
إغلاق