السودان: بابكر سلك يكتب: أفرض قلنا مادايرين 

] الذين يهدفون لتأمين مستقبلهم.
] ده من حقهم ومن حق أي إنسان طموح.
] لذا المساومة والمزايدة تقود المزاد ليرسو على أعلى سعر.
] يبدأ من إبن حلال يفتح الباب.
] وينتهي عند عبارة راح نبيع راح نكسب.
] يستاهل.
] طيب أفرض نحنا قلنا مادايرين.
] حانخسر شنو؟.
] هل سيتدهور مستوى الفريق بذهاب من يريد أن يذهب؟.
] ونحنا ذاتنا من حقنا تأمين مستقبلنا .
] وتأمين مستقبلنا ببقى في الحصول على خدمات مواهب شابة.
] واستجلاب محترف أو محترفين يحققوا الفارق ويساهموا في مضي الفريق قدماً في المنافسات الإفريقية.
] يعني لو قلنا مادايرين ووجهنا ستين مليار حازم دي. لخدمات محترف محترفين من العيار الثقيل يبقى مكسب .
] ولو قلنا مادايرين أكيد أبو الهل عرضو بتغير.
] يعني التلاتة وعشرين عاااادي ممكن تبقى تلاتة.
] لأنو السوق بتأثر بالطلب.
] والتلاتة ذاتها ماكعبة.
] بتأمن مستقبل من يبحث عن تأمين مستقبلو.
] يبقي رأيكم شنو نقول مادايرين؟.
] أيها الناس.
] كم مباراة شارك فيها محمد الرشيد مثلاً في كل الموسم؟.
] كم مباراة كان نجمها؟.
] طبعاً الإجابة على السؤال ده ولا واحدة .
] طيب كم كرة استخلصها محمد الرشيد بدون إرتكاب مخالفة؟.
] ده هين.
] كم كورة لاكها وأخرها وقدمت منو وفقدناها؟.
] تلاتة وعشرين كورة؟ أقصد تلاتة وعشرين مليار فوق كم؟.
] وقس على ذلك.
] أبو عشرين.
] شوف عدد الأهداف الولجت شباكنا لأخطاء أبجدية منه.
] أما رمضان صاحب المجهود الوافر والآداء الحركي والعضلي الكبير.
] أيضاً غير مكمل.
] فالمهارة تغيب كثيراً عنه.
] يبقى خلونا منطقيين.
] الإدارة الواعية المدركة لواجباتها لا تنزل لمستوى تفكير العامة.
] ولكنها ترفع من مستوى تفكير العامة.
] لأنو ده جزء من شغلها .
] ومحاولات كسب ود الجمهور بمثل هيك معارك هي عمليات لاتؤدي إلا إلى سوء العملية الإدارية والذي يؤدي بدورة لتراجع الفريق لاتقدمه.
] تعالوا نقول مادايرين بقناعة وقابلوني آخر الموسم.
] خلونا برضك نهدف لتأمين مستقبل الكيان.
] المهم .
] إجتماع الفيفا قام ولا قام؟.
] لأنو قوائم لجان التطبيع دي بقت الف قائمة.
] قولوا للفيفا استعجلي.
] ورانا معسكر إعدادي وبداية موسم وتنافس إفريقي.
] المهم.
] الأهلة طبعاً سايقين النقاش للتسجيلات هروباً من الطريقة السمانية التي جعلت الفرق بيننا وبينهم خمسة نقاط غير نقاط شكوى وادي نيالا المضمونة.
] وفي كل الحالات.
] هم حبايبنا وضلنا مبارننا ليهم تلاته سنين في البطولة الإفريقية.
] وصيفنا السايقنو لإفريقيا صحبة راكب.
] عفش ياروشا وداخل بص التنافس الإفريقي على مسؤوليتنا .
] فالعفش داخل البص على مسؤولية صاحبه.
] وصدقوني يامحمد عبد الماجد .
] السنة دي أنتو زي كلب الليدو.
] مرقتكم من بيتكم تنضربوا وترجعوا جوة البيت تاني.
] أيها الناس.
] إن تنصروا الله ينصركم .
] أها.
] نجي لي شمارات والي الخرتوم .
] الليلة داير أحكي ليك يوميات واحد فينا.
] اسمو بابكر سلك ياوالينا .
] بالليل العربية قطعت جاز لقي الباغة بستة ملايينا.
] خلاها في شارعها ياوالينا.
] راجع البيت البنات قالن بابا فول من نوش معاك جيب لينا.
] شال الفول بعد حاسب نوش بمليون ومأتينا .
] أكل الفول وأسرتو ونامو ياوالينا.
] الصباح البنات للجامعات ماشينا .
] شالن مليون جنيه منو يا أخينا .
] قلت لي وزراء قحت ماهية الواحد فيهم مية وخمسين مليون ولا ميتين مليون يا والينا .
سلك كهربا
ننساك كيف والكلب قال سلك وكت بدفع ده يومي مايرفع ليهو علم ويعمل ليهو سلام جمهوري ودولة شقيقة لينا.
وإلى لقاء
سلك

اضغط هنا للانضمام لمجموعات الانتباهة على تطبيق واتساب
زر الذهاب إلى الأعلى